സ്ത്രീകള്ക്ക് 10 ശതമാനം അധിക കിഴിവ്, വൻ ഓഫറുകള്, വെറും 5 രൂപയ്ക്ക് ഒരു കിലോ പഞ്ചസാര. കേരളത്തിന്റെ സപ്ലൈകോ മാറ്റത്തിന്റെ പാതയിലാണ്.
കേരളപ്പിറവി മുതൽ സ്ത്രീ ഉപഭോക്താക്കൾക്ക് അടക്കം വമ്പൻ ഡിസ്കൗണ്ടും ഹാപ്പി അവേഴ്സ് അടക്കം ഓഫറുകൾ സപ്പ്ളൈകോ പ്രഖ്യാപിച്ചു . സ്ത്രീ ഉപഭോക്താക്കൾക്ക് സബ്സിഡിയിതര ഉൽപ്പന്നങ്ങൾക്ക് 10% വരെ അധിക വിലക്കുറവ് നൽകും, വൈകിട്ട് അഞ്ചുമണിക്ക് മുമ്പ് വാങ്ങുന്ന തെരഞ്ഞെടുക്കപ്പെട്ട ബ്രാൻഡഡ് നിത്യോപയോഗ ഉത്പന്നങ്ങൾക്ക് 5% അധിക വിലക്കുറവും പ്രഖ്യാപിച്ചിട്ടുണ്ട്. നവംബർ ഒന്നു മുതൽ 50 ദിവസത്തേക്കാണ് ഈ പദ്ധതികൾ നടപ്പാക്കുക.
അൻപതാം വാർഷികം ആഘോഷിക്കുന്ന വേളയില് ഉപഭോക്താക്കള്ക്കായി ആകർഷകമായ നിരവധി ഓഫറുകള് പ്രഖ്യാപിച്ച സപ്ലൈകോ നവംബർ ഒന്നു മുതല് 250 കോടി രൂപ പ്രതിമാസ വിറ്റു വരവ് ലക്ഷ്യമിട്ടുള്ള വിവിധതരത്തിലുള്ള പദ്ധതികള് നടപ്പാക്കും. 140 നിയോജക മണ്ഡലങ്ങളിലും എത്തുന്ന രീതിയില് 14 ജില്ലകളിലും സഞ്ചരിക്കുന്ന സൂപ്പർമാർക്കറ്റുകള് ആരംഭിക്കും.
ആയിരം രൂപയ്ക്ക് മുകളിൽ സബ്സിഡിയിതര സാധനങ്ങൾ വാങ്ങുന്ന എല്ലാ ഉപഭോക്താക്കൾക്കും ഒരു കിലോ പഞ്ചസാര അഞ്ച് രൂപയ്ക്ക് നൽകും. ശബരി അപ്പം പൊടിയും പുട്ടുപൊടിയും 50% വിലക്കുറവിൽ നൽകും. കിലോക്ക് 88 രൂപ വിലയുള്ള ഈ ഉൽപ്പന്നം നവംബർ ഒന്നു മുതൽ 44 രൂപയ്ക്ക് സപ്ലൈകോ വില്പനശാലകളിൽ ലഭിക്കും.
പ്രധാന ഓഫറുകളും ഇളവുകളും
വനിതകള്ക്ക് പ്രത്യേക കിഴിവ്: സ്ത്രീ ഉപഭോക്താക്കള്ക്ക് സബ്സിഡി ഇതര ഉത്പന്നങ്ങള്ക്ക് 10 ശതമാനം വരെ പ്രത്യേക കിഴിവ് ലഭിക്കുന്നതാണ്.
യുപിഐ പണമിടപാട്: 500 രൂപയ്ക്ക് മുകളിലുള്ള ബില്ലുകള് യുപിഐ മുഖേന അടയ്ക്കുന്ന ഉപഭോക്താക്കള്ക്ക് അഞ്ച് രൂപ വിലക്കുറവ് ലഭിക്കും.
ശബരി ഉല്പ്പന്നങ്ങള്ക്ക് 50 ശതമാനം കിഴിവ്: 88 രൂപ വിലയുള്ള ശബരി അപ്പം പൊടിയും ശബരി പുട്ടു പൊടിയും വെറും 44 രൂപയ്ക്ക് (50 ശതമാനം വിലക്കുറവോടെ) വാങ്ങാം.
‘അഞ്ചുമണി’ ഓഫർ: വൈകുന്നേരം അഞ്ചുമണിക്ക് മുൻപ് വാങ്ങുന്ന തെരഞ്ഞെടുക്കപ്പെട്ട ബ്രാൻഡഡ് നിത്യോപയോഗ ഉല്പ്പന്നങ്ങള്ക്ക് അഞ്ച് ശതമാനം അധിക വിലക്കുറവ് ലഭിക്കും.
പഞ്ചസാര അഞ്ച് രൂപയ്ക്ക്: 1000 രൂപയ്ക്ക് സബ്സിഡിയിതര സാധനങ്ങള് വാങ്ങുന്ന ഉപഭോക്താക്കള്ക്ക് ഒരു കിലോ പഞ്ചസാര വെറും അഞ്ച് രൂപയ്ക്ക് സ്വന്തമാക്കാം.
ശബരി ഗോള്ഡ് ടീ കുറഞ്ഞ വിലയില്: 500 രൂപയ്ക്ക് സബ്സിഡിയിതര സാധനങ്ങള് വാങ്ങുന്ന ഉപഭോക്താക്കള്ക്ക് 105 രൂപ വിലയുള്ള 250 ഗ്രാമിന്റെ ശബരി ഗോള്ഡ് ടീ 61.50 രൂപയ്ക്ക് ലഭിക്കും.
ഗുണനിലവാരമുള്ള അരിയുടെ ലഭ്യത വർദ്ധിപ്പിക്കുന്നതിനായി പുഴുക്കലരി സബ്സിഡി അരിയില് ഉള്പ്പെടുത്തി സപ്ലൈകോ വില്പനശാലകളിലൂടെ റേഷൻകാർഡ് ഉടമകള്ക്ക് 20 കിലോഗ്രാം അരി നല്കും. നിലവില് ഇത് 10 കിലോഗ്രാം ആണ്. സപ്ലൈകോയിലെ ഉപഭോക്താക്കള്ക്ക് പ്രിവിലേജ് കാർഡുകള് ഏർപ്പെടുത്തും. ഇതുവഴി ഓരോ പർച്ചേസിലും പോയിന്റുകള് ലഭിക്കുകയും, ഈ പോയിന്റുകള് വഴി പിന്നീടുള്ള പർച്ചേസുകളില് വിലക്കുറവ് ലഭിക്കുകയും ചെയ്യുമെന്നും അധികൃതർ അറിയിച്ചു.
supplyco launches mega offers for 50 days from november 1. get 10% off for women, 5 rupees sugar, 50% off sabari products, and happy hour discounts.
