ഇന്ത്യയിൽ കെഎഫ്സി (KFC), പിസാ ഹട്ട് (Pizza Hut) ശൃംഖലകൾ നടത്തുന്ന ഫ്രാഞ്ചൈസി കമ്പനികൾ ലയനത്തിലേക്ക്. ഏകദേശം $934 മില്യൺ ഡോളർ മൂല്യമുള്ള ഈ ഇടപാടിലൂടെ, ദേവയാനി ഇന്റർനാഷണലും (Devyani International) സഫയർ ഫുഡ്സ് ഇന്ത്യയും (Sapphire Foods India) ഇതോടെ ഒന്നിക്കും.
ലയനത്തിലൂടെ ഇന്ത്യയിലെ ഏറ്റവും വലിയ ക്വിക്ക് സർവീസ് റെസ്റ്റോറന്റ് (QSR) ഓപ്പറേറ്റർമാരിൽ ഒന്നായി പുതിയ സംയുക്ത സ്ഥാപനം മാറും. കെഎഫ്സി, പിസാ ഹട്ട് എന്നിവയ്ക്ക് പുറമെ മറ്റ് ഫുഡ് ബ്രാൻഡുകളും കൈകാര്യം ചെയ്യുന്ന വൻ ശൃംഖലയാകും ഇതോടെ രൂപപ്പെടുക. എന്നാൽ കെഎഫ്സിയും പിസാ ഹട്ടും ബ്രാൻഡുകളായി ലയിക്കുന്നില്ല എന്നതും ശ്രദ്ധേയമാണ്. ആഗോളതലത്തിൽ ഈ രണ്ട് ബ്രാൻഡുകളും അമേരിക്കൻ ഭക്ഷ്യ ഭീമനായ Yum! Brandsന്റെ ഉടമസ്ഥതയിലാണെങ്കിലും, ഇന്ത്യയിൽ ഇവ വ്യത്യസ്ത ഫ്രാഞ്ചൈസി കമ്പനികളാണ് നടത്തിയിരുന്നത്. ഇപ്പോഴത്തെ ലയനം ഈ ഇന്ത്യൻ ഓപ്പറേറ്റർമാരുടെ തലത്തിലാണെന്ന് കമ്പനി വൃത്തങ്ങൾ വ്യക്തമാക്കി.
ലയന നടപടികൾക്ക് ഓഹരി ഉടമകളുടെയും നിയന്ത്രണ ഏജൻസികളുടെയും അനുമതി ലഭിക്കേണ്ടതുണ്ട്. എല്ലാ അനുമതികളും ലഭിച്ചാൽ, അടുത്ത ഒരു വർഷത്തിനുള്ളിൽ ലയനം പൂർത്തിയാകുമെന്നാണ് വിലയിരുത്തൽ. ഇന്ത്യയിലെ ക്വിക്ക് സർവീസ് റെസ്റ്റോറന്റ് മേഖലയിലെ ശക്തമായ വളർച്ചയാണ് ഈ നീക്കത്തിന് പിന്നിലെ പ്രധാന കാരണമായി വിലയിരുത്തപ്പെടുന്നത്.
Indian QSR giants Devyani International and Sapphire Foods are set to merge in a $934 million deal. Discover how this impacts KFC and Pizza Hut operations in India.
