ഇറ്റാലിയൻ കമ്പനിയായ ലിയോണാർഡോയുമായുള്ള (Leonardo) പങ്കാളിത്തത്തോടെ ഇന്ത്യയിൽ ഹെലികോപ്റ്റർ നിർമാണത്തിന് അദാനി ഗ്രൂപ്പ് (Adani Group). ‘മെയ്ക്ക് ഇൻ ഇന്ത്യ’ പ്രയത്നങ്ങൾക്ക് ശക്തി പകരാനും, സൈനിക ആവശ്യങ്ങൾ നിർവഹിക്കാനും, ഇന്ത്യയിലെ ഹെലികോപ്റ്റർ ഉത്പാദനത്തിൽ സ്വയംപര്യാപ്തത ഉറപ്പാക്കാനുമാണ് പദ്ധതിയിലൂടെ ലക്ഷ്യമിടുന്നതെന്ന് അദാനി ഡിഫൻസ് ആൻഡ് എയ്റോസ്പേസ് (Adani Defence & Aerospace) ഡയറക്ടർ ജീത് അദാനി പറഞ്ഞു.
അദാനി ഡിഫൻസ് ആൻഡ് എയ്റോസ്പേസ്, ലിയോണാർഡോ എന്നിവ തമ്മിൽ ഇതുമായി ബന്ധപ്പെട്ട ധാരണാപത്രത്തിൽ ഒപ്പുവെച്ചു. പ്രധാനമായും സൈനിക ആവശ്യങ്ങൾക്കായുള്ള AW169M, AW109 TrekkerM ഹെലികോപ്റ്ററുകളാണ് നിർമിക്കുക. ആഭ്യന്തര നിർമാണം, മെയിന്റനൻസ്, എംആർഒ, പൈലറ്റ് പരിശീലനം എന്നിവ ഉൾക്കൊള്ളുന്നതാണ് പദ്ധതി ഘട്ടങ്ങൾ.
ഇന്ത്യയ്ക്ക് അടുത്ത 10 വർഷങ്ങളിലായി പ്രതിവർഷം ഏകദേശം 100 ഹെലികോപ്റ്ററുകളുടെ ആവശ്യമുണ്ടെന്ന് കണക്കാക്കുന്നു. സിവിൽ-ഡിഫൻസ് ആവശ്യങ്ങൾക്കായി ഒരു എയ്റോഷിപ്പ് പരിസ്ഥിതി സ്ഥാപിക്കുന്നതിലൂടെ ഇന്ത്യയിലെ ഹെലികോപ്റ്റർ ഉത്പാദനത്തിൽ സ്വയംപര്യാപ്തത ഉറപ്പാക്കുകയാണ് പദ്ധതിയുടെ ലക്ഷ്യമെന്നും ജീത് അദാനി വ്യക്തമാക്കി.
Adani Defence & Aerospace signs an MoU with Italian firm Leonardo to build a helicopter manufacturing ecosystem in India, focusing on AW169M and AW109 TrekkerM models for military use.
