കൊച്ചി ആസ്ഥാനമായുള്ള നെസ്റ്റ് ഗ്രൂപ്പിന്റെ മുൻനിര ടെക്നോളജി, എഞ്ചിനീയറിംഗ് കമ്പനിയായ എസ്എഫ്ഒ ടെക്നോളജീസ്, കേരളത്തിൽ ഘട്ടം ഘട്ടമായി ₹2,000 കോടി നിക്ഷേപിക്കാൻ പദ്ധതിയിടുന്നതായി പ്രഖ്യാപിച്ചു. ട്രേഡെക്സ് കേരള 2026ൽ നെസ്റ്റ് ഗ്രൂപ്പിന്റെ ചെയർമാനും മാനേജിംഗ് ഡയറക്ടറുമായ എൻ. ജഹാംഗീർ ആണ് ഇക്കാര്യം അറിയിച്ചത്.
നിർദ്ദിഷ്ട നിക്ഷേപം നിരവധി പ്രധാന മേഖലകളിൽ ഘട്ടം ഘട്ടമായി നടപ്പിലാക്കും. കേരളത്തിന്റെ ഹാർഡ്വെയർ ഉൽപ്പാദന ശേഷി ശക്തിപ്പെടുത്തുന്നതിനുള്ള അഡ്വാൻസ്ഡ് ഇലക്ട്രോണിക് മാനുഫാക്ചറിംഗ് സർവീസസ്, ഉയർന്ന നിലവാരമുള്ള ഗവേഷണം, വികസനം, ഡിസൈൻ സേവനങ്ങൾ നൽകുന്നതിനുള്ള സോഫ്റ്റ്വെയർ, എംബഡഡ് എഞ്ചിനീയറിംഗ് എന്നിവയിലാണ് നിക്ഷേപം. ഇതിനുപുറമേ എണ്ണ, പ്രകൃതി വാതക വ്യവസായത്തിനുള്ള സാങ്കേതികവിദ്യകളിൽ ശ്രദ്ധ കേന്ദ്രീകരിക്കുന്ന എനർജി സെക്ടർ സൊല്യൂഷൻസ്, എയ്റോസ്പേസ്, പ്രതിരോധം എന്നിവയിലെ ആപ്ലിക്കേഷനുകളുള്ള പ്രിസിഷൻ എഞ്ചിനീയറിംഗ് എന്നിവയിലും ശ്രദ്ധ കേന്ദ്രീകരിക്കും. പദ്ധതിയിലൂടെ ആദ്യ ഘട്ടത്തിൽ ഏകദേശം 900 പേർക്ക് നേരിട്ട് തൊഴിൽ ലഭിക്കും.
Kochi-based SFO Technologies (NeST Group) announces a phased ₹2,000 crore investment in Kerala. The project focuses on AI, Aerospace, and Electronic Manufacturing, creating 900 direct jobs.
