കൃത്രിമബുദ്ധി (AI) ഭാവിയിൽ ഒരു രാജ്യത്തിന്റെ പരമാധികാരത്തെത്തന്നെ പുനർനിർവചിക്കുമെന്ന് അദാനി ഗ്രൂപ്പ് എക്സിക്യൂട്ടീവ് ഡയറക്ടർ ജീത് അദാനി. എഐ സാങ്കേതികവിദ്യയ്ക്കായി വിദേശ രാജ്യങ്ങളെ ആശ്രയിക്കുന്നതിന് പകരം ഇന്ത്യ സ്വന്തമായി അടിസ്ഥാന സൗകര്യങ്ങൾ ഒരുക്കണമെന്നും അദ്ദേഹം ആവശ്യപ്പെട്ടു.
ഇന്ത്യയുടെ ‘ഇന്റലിജൻസ് സെഞ്ച്വറി’ (Intelligence Century) എന്ന കാഴ്ചപ്പാട് അവതരിപ്പിച്ച അദ്ദേഹം, ഊർജ്ജം (Energy), കമ്പ്യൂട്ട് ആൻഡ് ക്ലൗഡ് (Compute and Cloud), സേവനങ്ങൾ (Services) എന്നീ മൂന്ന് തൂണുകളിലൂന്നിയുള്ള പരമാധികാരമാണ് ഇന്ത്യയുടെ എഐ തന്ത്രത്തിന്റെ കാതൽ എന്ന് വ്യക്തമാക്കി.
ഊർജ്ജ സുരക്ഷ എഐ കോഡുകളിലാണ് എഴുതപ്പെട്ടിരിക്കുന്നത്, പക്ഷേ അത് പ്രവർത്തിക്കുന്നത് വൈദ്യുതിയിലാണ്. അതിനാൽ ഊർജ്ജ സുരക്ഷ എന്നാൽ ഇന്റലിജൻസ് സുരക്ഷ കൂടിയാണ്,” ജീത് അദാനി പറഞ്ഞു. പുനരുപയോഗ ഊർജ്ജ സ്രോതസ്സുകളെ എഐ ഡാറ്റാ സെന്ററുകളുമായി ബന്ധിപ്പിക്കാൻ അദാനി ഗ്രൂപ്പിന് പദ്ധതിയുണ്ട്. വിവരങ്ങൾ എവിടെ സൂക്ഷിക്കുന്നു, ആര് നിയന്ത്രിക്കുന്നു എന്നത് പ്രധാനമാണ്. ഇന്ത്യയുടെ സ്റ്റാർട്ടപ്പുകൾക്കും പ്രതിരോധ മേഖലയ്ക്കും ആരോഗ്യ മേഖലയ്ക്കും ആവശ്യമായ ഹൈ-പെർഫോമൻസ് കമ്പ്യൂട്ടിംഗ് സംവിധാനങ്ങൾ ഇന്ത്യയിൽ തന്നെ ഉണ്ടായിരിക്കണം. ഇത് സ്വയംഭരണാധികാരത്തിന് വേണ്ടിയാണ്. എഐ വിപ്ലവത്തിൽ ഇന്ത്യ വെറുമൊരു പങ്കാളി മാത്രമല്ല, മറിച്ച് ഇന്ത്യയുടെ മുദ്രയുള്ള, ഇന്ത്യൻ മൂല്യങ്ങൾ ഉൾക്കൊള്ളുന്ന ഒരു സംവിധാനമായിരിക്കണം. കൃഷി, വിദ്യാഭ്യാസം, ആരോഗ്യം, സാമ്പത്തിക ഉൾപ്പെടുത്തൽ എന്നീ മേഖലകളിൽ എഐ സാധാരണക്കാരായ ഇന്ത്യൻ പൗരന്മാരെയാണ് ആദ്യം സഹായിക്കേണ്ടത്.
250 ബില്യൺ ഡോളറിന്റെ എഐ ഇക്കോസിസ്റ്റം
സ്വന്തമായി ഹരിത ഊർജ്ജത്തിൽ പ്രവർത്തിക്കുന്ന എഐ പ്ലാറ്റ്ഫോം നിർമ്മിക്കുന്നതിനായി അദാനി ഗ്രൂപ്പ് 100 ബില്യൺ ഡോളർ നിക്ഷേപിക്കുമെന്ന് നേരത്തെ പ്രഖ്യാപിച്ചിരുന്നു. ഇത് 5 ജിഗാവാട്ട് ശേഷിയുള്ള, 250 ബില്യൺ ഡോളർ മൂല്യമുള്ള ഒരു സംയോജിത ഊർജ്ജ-കമ്പ്യൂട്ട് ഇക്കോസിസ്റ്റമായി മാറുമെന്നും അദ്ദേഹം പറഞ്ഞു.
“പണ്ട് വ്യാപാര പാതകൾ സുരക്ഷിതമാക്കാൻ രാജ്യങ്ങൾ നാവികസേനയെ നിർമ്മിച്ചിരുന്നു. ഇന്ന് ഇന്റലിജൻസ് പാതകൾ സുരക്ഷിതമാക്കാൻ നമ്മൾ സ്വന്തമായി കമ്പ്യൂട്ട് ശേഷി നിർമ്മിക്കണം,” ജീത് അദാനി കൂട്ടിച്ചേർത്തു. ഇത് സംരക്ഷണവാദമല്ല മറിച്ച് തന്ത്രപരമായ തയ്യാറെടുപ്പാണെന്നും അദ്ദേഹം വ്യക്തമാക്കി.
Adani Group’s Jeet Adani emphasizes “Sovereign AI” at the AI Impact Summit. Learn about the $100 billion investment in a green energy-powered AI ecosystem and the vision for India’s “Intelligence Century.”
