പ്രതിരോധം, ഊർജം, സാമ്പത്തികം, വിദ്യാഭ്യാസം തുടങ്ങിയ മേഖലകളിൽ പരസ്പരസഹകരണത്തിനുള്ള കരാറുകൾ ഒപ്പുെവച്ച് ഇന്ത്യയും കാനഡയും. കനേഡിയൻ പ്രധാനമന്ത്രി മാർക്ക് കാർണിയുടെ ഇന്ത്യാ സന്ദർശനവുമായി ബന്ധപ്പെട്ട് $2.6 ബില്യണിന്റെ യുറേനിയം കരാറിലാണ് ഒപ്പുവെച്ചിരിക്കുന്നത്.
ഇന്ത്യക്ക് ദീർഘകാലത്തേക്ക് യുറേനിയം നൽകുന്നതിനുള്ള കരാർ കേന്ദ്ര ആണവോർജവകുപ്പും കനേഡിയൻ കമ്പനിയായ കാമെകോയും തമ്മിലാണ് ഒപ്പിട്ടത്. 2047ഓടെ 100 ജിഗാ വാട്ട് ആണവോർജം കൈവരിക്കുക എന്ന വിക്സിത് ഭാരത് സംരംഭത്തിന് കീഴിലുള്ള ഇന്ത്യയുടെ ആണവോർജ പദ്ധതിയുടെ ഭാഗമാണ് കരാർ. ഇതുൾപ്പെടെ 2030 ഓടെ വാർഷിക വ്യാപാരം 50 ബില്യൺ ഡോളറായി ഉയർത്താനുള്ള വിവിധ കരാറുകളിലും ഇരു രാജ്യങ്ങളും ഒപ്പുവെച്ചു.
ഉന്നതവിദ്യാഭ്യാസരംഗം ഉൾപ്പെടെ വിവിധ മേഖലകളിൽ സഹകരിക്കുന്നതിന് മൊത്തം എട്ട് കരാറുകളിലാണ് ഇരുരാജ്യങ്ങളും ഒപ്പിട്ടിരിക്കുന്നത്. 16 വർഷങ്ങളായി ചർച്ചയിലിരിക്കുന്ന സമഗ്ര സാമ്പത്തിക പങ്കാളിത്ത കരാർ ഈ വർഷം യാഥാർഥ്യമാക്കാനും ധാരണയായിട്ടുണ്ട്.
India and Canada strengthen ties with a massive $2.6 billion uranium supply deal. Prime Minister Mark Carney’s visit cements cooperation in defense, energy, and education to hit a $50 billion trade goal by 2030
