ജനപ്രിയ തെലുങ്ക് നടൻ റാണ ദഗ്ഗുബതി അഭിനയത്തിനു പുറമേ സിനിമാ നിർമാണ മേഖലയിലും സംരംഭക രംഗത്തും പേരെടുത്ത വ്യക്തിയാണ്. സൗത്ത് ഇന്ത്യയിലെ ഏറ്റവും സമ്പന്ന സിനിമാ കുടുംബങ്ങളിൽ ഒന്നായ അക്കിനേനി-ദഗ്ഗുബതി കുടുംബാംഗമാണ് റാണ. കുടുംബത്തിന്റെ പ്രൊഡക്ഷൻ ഹൗസ് ആയ സുരേഷ് പ്രൊഡക്ഷൻസിലും (Suresh Productions) സജീവ സാന്നിദ്ധ്യമായ അദ്ദേഹം സ്പിരിറ്റ് മീഡിയ (Spirit Media) എന്ന പേരിൽ സ്വന്തം നിർമാണ കമ്പനിയും നടത്തുന്നു. കഥപറച്ചിൽ, സാങ്കേതികവിദ്യ, ഉപഭോക്തൃ അനുഭവം എന്നിവ ലയിപ്പിക്കുന്ന ഉയർന്ന സാധ്യതയുള്ള മേഖലകളിലാണ് ‘ബാഹുബലി’ താരത്തിന്റെ നിക്ഷേപങ്ങൾ.
റാണയുടെ പ്രധാന വരുമാനം ഇപ്പോഴും സിനിമാ അഭിനയവും നിർമ്മാണപ്രവർത്തനങ്ങളുമാണ്. അധിക വരുമാനമായി പരസ്യങ്ങളും മറ്റ് ബ്രാൻഡ് സഹകരണങ്ങളുമുണ്ട്. മെറ്റാവേഴ്സ്, വെബ്3 തുടങ്ങിയ ഡിജിറ്റൽ സാങ്കേതിക മേഖലകളിൽ നിക്ഷേപങ്ങൾ നടത്തിയിട്ടുള്ളതായും റിപ്പോർട്ടുകളുണ്ട്. അമർ ചിത്ര കഥ പോലുള്ള കോമിക്കുകളിലും അദ്ദേഹത്തിന്റെ നിക്ഷേപങ്ങൾ നീളുന്നു. ഇതിനുപുറമേ ഫുഡ് ആൻഡ് ബിവറേജ്, ഗെയിമിംഗ്, സ്കിൻ കെയർ, കൺസ്യൂമർ പ്രൊഡക്റ്റ്സ് എന്നിവയിലായി റാണ നിരവധി ഏഞ്ചൽ നിക്ഷേപങ്ങളും നടത്തിയിട്ടുണ്ട്. വിവിധ മേഖലകളിൽ നിന്നായി അദ്ദേഹം പ്രതിവർഷം 8 കോടി രൂപ സമ്പാദിക്കുന്നതായി ദി മിന്റ് റിപ്പോർട്ട് ചെയ്യുന്നു. ഒരു ചിത്രത്തിന് 4–5 കോടി രൂപ വരെ പ്രതിഫലം ലഭിക്കുന്ന അദ്ദേഹത്തിന്റെ ആകെ ആസ്തി ഏകദേശം 45 കോടി രൂപയാണെന്നാണ് റിപ്പോർട്ട് വ്യക്തമാക്കുന്നത്.
Beyond the silver screen, Rana Daggubati is a powerhouse entrepreneur. With a net worth of ₹45 crore and a diverse portfolio in tech, gaming, and production, discover the business side of the ‘Baahubali’ star.
