മുൻ നയതന്ത്രജ്ഞനും ബിജെപി നേതാവുമായ തരൺജിത് സിംഗ് സന്ധുവിനെ (Taranjit Singh Sandhu) ഡൽഹി ലെഫ്റ്റനന്റ് ഗവർണറായി നിയമിച്ച് രാഷ്ട്രപതി ദ്രൗപദി മുർമു. 1988 ബാച്ച് ഐഎഫ്എസ് ഉദ്യോഗസ്ഥനായ സന്ധു, അമേരിക്കയിലെ ഇന്ത്യൻ അംബാസഡർ, ശ്രീലങ്കയിലെ ഹൈക്കമ്മീഷണർ തുടങ്ങിയ നിർണ്ണായക പദവികൾ വഹിച്ചിട്ടുണ്ട്. വിരമിച്ച ശേഷം 2024ലാണ് അദ്ദേഹം ഭാരതീയ ജനതാ പാർട്ടിയിൽ ചേർന്നത്. കർഷക സമരവും ഹർദീപ് സിംഗ് നിജ്ജാറിന്റെ വധവുമായി ബന്ധപ്പെട്ട വിവാദങ്ങളും സിഖ് വിഭാഗത്തിനിടയിൽ ഉണ്ടാക്കിയ അതൃപ്തി പരിഹരിക്കുക എന്ന ലക്ഷ്യത്തോടെയാണ് സന്ധുവിനെപ്പോലുള്ള പ്രമുഖരെ ബിജെപി നേതൃനിരയിലേക്ക് എത്തിച്ചത്.
സ്വാതന്ത്ര്യസമര സേനാനിയും ശിരോമണി ഗുരുദ്വാര പ്രബന്ധക് കമ്മിറ്റി (SGPC) സ്ഥാപകനുമായ തേജ സിംഗ് സമുന്ദ്രിയുടെ ചെറുമകനാണ് സന്ധു. അമൃത്സറിലെ ഗുരു നാനക് ദേവ് സർവകലാശാലാ സ്ഥാപക വൈസ് ചാൻസലർ ബിഷൻ സിംഗ് സമുന്ദ്രിയുടെയും ജഗ്ജിത് കൗറിന്റെയും മകനായി 1963ലാണ് അദ്ദേഹം ജനിച്ചത്. ഡൽഹി സെന്റ് സ്റ്റീഫൻസ് കോളേജിൽ നിന്നും ജെഎൻയുവിൽ നിന്നുമായി വിദ്യാഭ്യാസം പൂർത്തിയാക്കിയ അദ്ദേഹം, സോവിയറ്റ് യൂണിയൻ, ഉക്രെയ്ൻ എന്നിവിടങ്ങളിലും ശ്രദ്ധേയമായ നയതന്ത്ര സേവനം കാഴ്ചവെച്ചിട്ടുണ്ട്. നയതന്ത്രരംഗത്തെ 35 വർഷത്തെ നീണ്ട അനുഭവസമ്പത്തുമായാണ് അദ്ദേഹം ഡൽഹിയുടെ പുതിയ ലെഫ്റ്റനന്റ് ഗവർണറായി ചുമതലയേൽക്കുന്നത്.
President Droupadi Murmu appoints former US Ambassador and BJP leader Taranjit Singh Sandhu as the new LG of Delhi. Explore his 35-year diplomatic career and legacy.
