ഹൈദരാബാദിലെ ചെർലപ്പള്ളിയെയും തമിഴ്നാട്ടിലെ നാഗർകോവിലിനെയും ബന്ധിപ്പിക്കുന്ന പുതിയ അമൃത് ഭാരത് എക്സ്പ്രസ് ട്രെയിൻ സർവീസിന് (Charlapalli–Nagercoil Amrit Bharat Express) റെയിൽവേ ബോർഡ് അനുമതി നൽകി. തെലങ്കാനയുടെ തലസ്ഥാനമായ ഹൈദരാബാദിൽ നിന്നുള്ള മൂന്നാമത്തെ അമൃത് ഭാരത് ട്രെയിനാണിത്. മുസാഫർപൂർ, തിരുവനന്തപുരം എന്നിവിടങ്ങളിലേക്കാണ് നിലവിൽ ഹൈദരാബാദിൽ നിന്ന് അമൃത് ഭാരത് സർവീസുകളുള്ളത്. സാധാരണക്കാർക്ക് കുറഞ്ഞ ചിലവിൽ ദീർഘദൂര യാത്ര സാധ്യമാക്കുന്ന ഈ പുതിയ സർവീസ് പ്രധാനമായും സ്ലീപ്പർ, ജനറൽ ക്ലാസ് കോച്ചുകൾ ഉൾപ്പെടുത്തിയാണ് ക്രമീകരിച്ചിരിക്കുന്നത്.
തമിഴ്നാട്, ആന്ധ്രാപ്രദേശ്, തെലങ്കാന എന്നീ മൂന്ന് സംസ്ഥാനങ്ങളിലൂടെ കടന്നുപോകുന്ന സർവീസ് നാഗർകോവിലിനും ഹൈദരാബാദിനും ഇടയിലുള്ള യാത്രാ സൗകര്യം വലിയ തോതിൽ വർദ്ധിപ്പിക്കും. സർവീസ് ആരംഭിക്കുന്ന തീയതി റെയിൽവേ ഔദ്യോഗികമായി പ്രഖ്യാപിച്ചിട്ടില്ലെങ്കിലും, മാർച്ച് 11ഓടെ ട്രെയിൻ ഫ്ലാഗ് ഓഫ് ചെയ്തേക്കുമെന്ന് റെയിൽവേ വൃത്തങ്ങൾ സൂചിപ്പിക്കുന്നു. പുഷ്-പുൾ സാങ്കേതികവിദ്യ, ബയോ-വാക്വം ടോയ്ലറ്റുകൾ, സിസിടിവി തുടങ്ങിയ ആധുനിക സൗകര്യങ്ങളോടെ കുറഞ്ഞ നിരക്കിൽ യാത്ര ചെയ്യാവുന്ന ഈ ട്രെയിൻ ദീർഘദൂര യാത്രക്കാർക്ക് വലിയ ആശ്വാസമാകുമെന്നാണ് പ്രതീക്ഷിക്കുന്നത്.
Railway Board approves the new Charlapalli (Hyderabad) to Nagercoil Amrit Bharat Express. Featuring sleeper and general coaches with modern push-pull technology, this budget-friendly train offers a premium experience at affordable rates
