ദേശീയ പാതകളിലെ ടോൾ പേയ്മെന്റുകൾ ലളിതമാക്കുന്നതിനായി ആരംഭിച്ച ഫാസ്റ്റ് ടാഗ് വാർഷിക പാസ് പദ്ധതിക്ക് ഇനി ചിലവേറും. 2026-27 സാമ്പത്തിക വർഷത്തേക്കുള്ള ഫാസ്ടാഗ് വാർഷിക പാസ് നിരക്ക് വർധിപ്പിക്കാനുള്ള നാഷണൽ ഹൈവേ അതോറിറ്റി ഓഫ് ഇന്ത്യയുടെ (NHAI) തീരുമാനമാണ് ഇതിനുപിന്നിൽ. മാർച്ച് 12ന് പുറപ്പെടുവിച്ച ഔദ്യോഗിക ഉത്തരവ് പ്രകാരം, വാണിജ്യേതര വാഹനങ്ങൾക്കുള്ള പാസ് നിരക്കിലാണ് ഏപ്രിൽ ഒന്നു മുതൽ വർധനയുണ്ടാകുക. ഇതോടെ സ്വകാര്യ കാറുകൾ, ജീപ്പുകൾ, വാനുകൾ എന്നിവയുടെ ഉടമകൾ വാർഷിക പാസിന് 3075 രൂപ നൽകണം. മുൻപ് ഇത് 3000 രൂപയായിരുന്നു.
ഹൈവേകളിലെ പതിവ് ടോൾ പേയ്മെന്റുകളുടെ ബുദ്ധിമുട്ട് കുറയ്ക്കുക, ഡിജിറ്റൽ ടോൾ പിരിവ് പ്രോത്സാഹിപ്പിക്കുക എന്നീ ഉദ്ദേശ്യങ്ങളോടെ കഴിഞ്ഞ വർഷം സ്വാതന്ത്ര്യദിനത്തിലാണ് ദേശീയ പാതാ അതോറിറ്റി ഫാസ്റ്റ് ടാഗ് വാർഷിക പാസ് ആരംഭിച്ചത്. ഈ പദ്ധതി പ്രകാരം, സാധുവായ ഫാസ്റ്റ് ടാഗുള്ള ഏതൊരു സ്വകാര്യ വാഹനത്തിനും ഈ പാസ് ലഭിക്കും. ഒരിക്കൽ സജീവമാക്കിയാൽ, വാർഷിക പാസ് ഒരു വർഷത്തേക്കോ പരമാവധി 200 യാത്രകൾക്കോ (ഏതാണ് ആദ്യം വരുന്നത് അത്) സാധുതയുള്ളതായിരിക്കും
NHAI has announced a fee revision for the FASTag annual pass for the 2026-27 fiscal year. Starting April 1, private car and van owners must pay ₹3075 for the pass, valid for one year or 200 trips. See the full details of the hike here
