ഇന്ത്യൻ ഇലക്ട്രിക് ബസ് നിർമ്മാതാക്കളായ പിഎംഐ ഇലക്ട്രോ മൊബിലിറ്റി (PMI Electro), ഓപ്പറേറ്റിംഗ് പ്ലാറ്റ്ഫോമായ ഓൾഫ്ലീറ്റ് ഇന്ത്യ (Allfleet India) എന്നിവയിൽ ₹2890 കോടി രൂപ നിക്ഷേപിക്കാൻ ആഗോള നിക്ഷേപ സ്ഥാപനമായ കോൾബർഗ് ക്രാവിസ് റോബർട്ട്സ് (KKR). മുംബൈയിൽ വെച്ച് പ്രഖ്യാപിച്ച ഇടപാടിലൂടെ ഓൾഫ്ലീറ്റിന്റെ ഭൂരിഭാഗം ഓഹരികളും പിഎംഐ ഇലക്ട്രോയുടെ ചെറിയ ഭാഗം ഓഹരികളും കെകെആർ സ്വന്തമാക്കും. 2026 പകുതിയോടെ നടപടികൾ പൂർത്തിയാകുന്നതോടെ ഇന്ത്യയിലെ ഇലക്ട്രിക് പൊതുഗതാഗത മേഖലയിലെ ഏറ്റവും വലിയ നിക്ഷേപങ്ങളിലൊന്നായി ഇത് മാറും.
ഇന്ത്യയിലെ നഗരങ്ങളിൽ ഓൾഫ്ലീറ്റിന്റെ ഇലക്ട്രിക് ബസ് ശൃംഖല വിപുലീകരിക്കാനും പിഎംഐ ഇലക്ട്രോയുടെ നിർമ്മാണ ശേഷി വർദ്ധിപ്പിക്കാനുമാണ് ഈ തുക വിനിയോഗിക്കുക. നിലവിൽ 30ലധികം നഗരങ്ങളിലായി 3,000ത്തോളം ഇലക്ട്രിക് ബസുകൾ പ്രവർത്തിപ്പിക്കുന്ന പിഎംഐ ഇലക്ട്രോ, വരും വർഷങ്ങളിൽ ഇത് 5,000 ആയി ഉയർത്താനാണ് ലക്ഷ്യമിടുന്നത്. കെകെആറിന്റെ ആഗോള കാലാവസ്ഥാ വ്യതിയാന പ്രതിരോധ പദ്ധതിയുടെ ഭാഗമായി ഇന്ത്യയിൽ നടത്തുന്ന ആദ്യ നിക്ഷേപമാണിത്. വായു മലിനീകരണം കുറയ്ക്കാനും പൊതുഗതാഗതം പരിസ്ഥിതി സൗഹൃദമാക്കാനുമുള്ള കേന്ദ്ര സർക്കാരിന്റെ ‘പിഎം ഇ-ബസ് സേവ’ (PM e-Bus Sewa) ഉൾപ്പെടെയുള്ള പദ്ധതികൾക്ക് ഈ നിക്ഷേപം വലിയ കരുത്താകും
Global investment firm KKR announces a ₹2,890 crore investment in PMI Electro Mobility and Allfleet India. Discover how this deal will scale India’s electric public transport
