ഇന്ത്യൻ ബഹിരാകാശ ഗവേഷണ രംഗത്ത് ശ്രദ്ധനേടി 15 വയസ്സുകാരൻ. ‘സെലസ്റ്റിയൽ എയ്റോസ്പേസ്’ (Celestial Aerospace) എന്ന സ്റ്റാർട്ടപ്പിലൂടെ കുറഞ്ഞ ചിലവിൽ ഉപഗ്രഹങ്ങൾ വിക്ഷേപിക്കാനുള്ള ‘റോക്കൂൺ’ (Rockoon) സാങ്കേതികവിദ്യ വികസിപ്പിച്ചാണ് ശ്രേയൻസ് ജെയിൻ ശ്രദ്ധനേടുന്നത്. 2029ഓടെ ആദ്യ വാണിജ്യ വിക്ഷേപണം ലക്ഷ്യമിടുന്ന ഈ യുവ സംരംഭകൻ, ബലൂണുകളുടെ സഹായത്തോടെ റോക്കറ്റുകളെ അന്തരീക്ഷത്തിന്റെ ഉയർന്ന പാളികളിലെത്തിച്ച ശേഷം വിക്ഷേപിക്കാനാണ് പദ്ധതിയിടുന്നത്.
പരമ്പരാഗത വിക്ഷേപണ രീതികളിൽ ഇന്ധനത്തിനായി വലിയ തുക ചിലവാകുമ്പോൾ, റോക്കൂൺ സാങ്കേതികവിദ്യയിലൂടെ ഇത് ഗണ്യമായി കുറയ്ക്കാൻ സാധിക്കും. അന്തരീക്ഷത്തിന്റെ സാന്ദ്രത കുറഞ്ഞ ഭാഗത്ത് വെച്ച് റോക്കറ്റ് ഇഗ്നിഷൻ നടത്തുന്നതിലൂടെ ഘർഷണം കുറയ്ക്കാനും കൂടുതൽ പേലോഡ് ബഹിരാകാശത്ത് എത്തിക്കാനും കഴിയും. വരും വർഷങ്ങളിൽ കൂടുതൽ പരീക്ഷണങ്ങളുമായി മുന്നോട്ട് പോകാനാണ് ശ്രേയൻസും സംഘവും ലക്ഷ്യമിടുന്നത്. ഇന്ത്യയുടെ ബഹിരാകാശ സ്വപ്നങ്ങൾക്ക് കരുത്തേകാൻ ഇത്തരം സ്റ്റാർട്ടപ്പുകൾ വലിയ പങ്കുവഹിക്കുമെന്നാണ് വിലയിരുത്തപ്പെടുന്നത്.
meet shreyans jain, the 15-year-old founder of celestial aerospace, developing ‘rockoon’ technology to launch satellites using balloons. learn about the 2029 mission goals
