ഇന്ത്യൻ വ്യോമസേനയുടെ കരുത്ത് വർദ്ധിപ്പിക്കാനൊരുങ്ങുന്ന തേജസ് മാർക്ക് 2 യുദ്ധവിമാനത്തിന്റെ ഭാരത്തിൽ വൻ കുറവ് വരുത്തി. നിർമ്മാണ രീതിയിൽ വരുത്തിയ മാറ്റങ്ങളിലൂടെയാണ് 200 കിലോയോളം ഭാരം കുറയ്ക്കാൻ എച്ച്എഎൽ, എഡിഎ ടീമുകൾക്ക് സാധിച്ചത്. ഭാരം കുറയുന്നതോടെ വിമാനത്തിന് കൂടുതൽ ആയുധങ്ങൾ വഹിക്കാനും ഇന്ധനക്ഷമത വർദ്ധിപ്പിക്കാനും സാധിക്കും. അത്യാധുനികമായ മോണോലിത്തിക് മെഷീനിംഗ്, കാർബൺ കോമ്പോസിറ്റ് മെറ്റീരിയലുകൾ എന്നിവ ഉപയോഗിച്ചാണ് ഈ നേട്ടം കൈവരിച്ചത്.
ഭാരം കുറച്ചതിലൂടെ ലഭിച്ച ലാഭം വിമാനത്തിന്റെ ഇന്ധനശേഷി വർദ്ധിപ്പിക്കാനാണ് ഉപയോഗിച്ചിരിക്കുന്നത്. തേജസ് മാർക്ക് 1ൽ 2,450 കിലോ ഇന്ധനം ഉൾക്കൊള്ളാൻ സാധിച്ചിരുന്നെങ്കിൽ മാർക്ക് 2ൽ ഇത് 3,300 കിലോയായി ഉയർന്നു. കൂടാതെ, 6500 കിലോ ആയുധങ്ങൾ വഹിക്കാനുള്ള ശേഷിയും ഈ വിമാനത്തിനുണ്ടാകും. ബ്രഹ്മോസ്-എൻജി, അസ്ത്ര തുടങ്ങിയ അത്യാധുനിക മിസൈലുകൾ വഹിക്കാൻ ശേഷിയുള്ള തേജസ് മാർക്ക് 2, വ്യോമസേനയിലെ മിറാഷ് 2000, മിഗ്-29 വിമാനങ്ങൾക്ക് പകരക്കാരനായാണ് എത്തുന്നത്
HAL has successfully reduced the weight of India’s Tejas Mk2 fighter jet by 200kg using advanced composite materials. This upgrade significantly enhances its fuel capacity, weapon payload, and overall combat range for the Indian Air Force
