യുവതലമുറയ്ക്ക് ബിസിനസ് ലോകത്ത് വമ്പൻ അവസരങ്ങൾ ഒരുക്കുന്ന പുതിയ പഠനരീതിയുമായി എയിമർ ബിസിനസ് സ്കൂൾ (Aimer Business School). വെറും ബിരുദധാരികളെയല്ല, മറിച്ച് വ്യവസായ ലോകത്തിന് ആവശ്യമുള്ള മൾട്ടി ഡിസിപ്ലിനറി ബിസിനസ് ലീഡേർസിനെയാണ് തങ്ങൾ വാർത്തെടുക്കുന്നതെന്ന് എയിമർ ബിസിനസ് സ്കൂൾ സിഇഒ അസീം പാനോളിയും (Aseem Panoli) എക്സിക്യൂട്ടീവ് ഡയറക്ടർ മുനീർ മുഹമ്മദും (Muneer Muhammed) ചാനൽ ഐ ആം മൈ ബ്രാൻഡ് മൈ പ്രൈഡിൽ വ്യക്തമാക്കി.
തൊഴിലില്ലായ്മയും സ്കിൽ ഗ്യാപ്പും
കേരളത്തിലെ അഭ്യസ്തവിദ്യർക്കിടയിലെ തൊഴിലില്ലായ്മാ നിരക്ക് 29.9% ആണ്. ഇത് ദേശീയ ശരാശരിയേക്കാൾ മൂന്നിരട്ടിയാണ്. കമ്പനികൾക്ക് ആളുകളെ ആവശ്യമുണ്ട്, എന്നാൽ അവർ പ്രതീക്ഷിക്കുന്ന സ്കിൽ സെറ്റ് ഉദ്യോഗാർത്ഥികൾക്കില്ല. ഈ വിടവ് നികത്താനാണ് എയിമർ ശ്രമിക്കുന്നത്.
എക്സ്പീരിയൻഷ്യൽ ലേർണിംഗ്
പുസ്തകത്തിലെ തിയറികൾക്കപ്പുറം 75 ശതമാനവും പ്രായോഗിക അനുഭവങ്ങളിലൂടെയാണ് (Experiential Learning) ഇവിടെ പഠനം നടക്കുന്നത്. പ്ലസ് ടു കഴിഞ്ഞവർക്കായി മൂന്ന് വർഷത്തെ അണ്ടർ ഗ്രാജുവേറ്റ് ബിസിനസ് ഇന്റഗ്രേറ്റഡ് പ്രോഗ്രാം പോലുള്ളവയുണ്ട്. ഇതിനു പുറമേ മൂന്നാം സെമസ്റ്ററിലും ആറാം സെമസ്റ്ററിലും നിർബന്ധിത ഇന്റേൺഷിപ്പ് ആണ് മറ്റൊരു പ്രത്യേകത. ഇതിൽ ആറാം സെമസ്റ്ററിലെ ഇന്റേൺഷിപ്പ് വിദ്യാർത്ഥികൾ തിരഞ്ഞെടുക്കുന്ന സ്പെഷ്യലൈസേഷന്റെ അടിസ്ഥാനത്തിലായിരിക്കും.
റിയൽ ലൈഫ് ചലഞ്ചസ്
ഡ്രോപ്പ് ഷിപ്പിംഗ്, സോഷ്യൽ മീഡിയ ഇൻഫ്ലുവൻസിംഗ് തുടങ്ങിയവയിൽ പ്രായോഗിക വെല്ലുവിളികൾ ഏറ്റെടുത്ത് ലാഭം ഉണ്ടാക്കാൻ വിദ്യാർത്ഥികളെ പരിശീലിപ്പിച്ച് റിയൽ ലൈഫ് ചാലഞ്ചസിനെ അഭിമുഖീകരിക്കുന്നതാണ് എയ്മറിന്റെ പ്രധാന സവിശേഷത. ഇതിനായി കോളേജ് തന്നെ ‘സീഡ് മണി’ (Seed Money) നൽകും. ദുബായ്, ചൈന തുടങ്ങിയ രാജ്യങ്ങളിലെ വ്യവസായ കേന്ദ്രങ്ങൾ സന്ദർശിക്കാനുള്ള അവസരത്തിലൂടെ ഇന്റർനാഷണൽ എക്സ്പോഷറും ഒരുക്കുന്നു.
സ്റ്റാർട്ടപ്പുകൾക്ക് ഇൻക്യുബേഷൻ സൗകര്യം
സ്വന്തമായി ബിസിനസ് തുടങ്ങാൻ താല്പര്യമുള്ള വിദ്യാർത്ഥികൾക്ക് ഇന്റേൺഷിപ്പിന് പകരം ക്യാമ്പസിലെ ഇൻക്യുബേഷൻ സെന്ററിൽ തങ്ങളുടെ ഐഡിയകൾ വികസിപ്പിക്കാം. മെന്റർഷിപ്പ്, വർക്കിംഗ് സ്പേസ്, ഫണ്ടിംഗ് സപ്പോർട്ട് എന്നിവയും കോളേജ് നൽകുന്നുണ്ട്. കോഴിക്കോട് മർക്കസ് നോളേജ് സിറ്റിയിലാണ് അത്യാധുനിക സൗകര്യങ്ങളോടു കൂടിയ എയിമർ ക്യാമ്പസ് പ്രവർത്തിക്കുന്നത്.
ഭാവിയിലെ ബിസിനസ് സാധ്യതകൾ
ഭാവിയിൽ ഏറെ സാധ്യതയുള്ള മേഖലകളേയും എയിമർ ലക്ഷ്യം വെയ്ക്കുന്നു. കുറഞ്ഞ ജീവനക്കാരെ വെച്ച് കൂടുതൽ ഔട്ട്പുട്ട് നൽകാൻ AI ടൂളുകൾ സഹായിക്കുമെന്നതിനാൽ AI & ടെക്നോളജിക്കും കൃഷി പ്രൊഫഷണൽ ബിസിനസ്സായി മാറുന്ന ഭാവിയെ മുന്നിൽക്കണ്ട് ഫാമിംഗിനും എയിമർ പ്രാധാന്യം നൽകുന്നു. ശാസ്ത്രീയമായി കൃഷി ചെയ്താൽ വലിയ ലാഭം കൊയ്യാമെന്ന വലിയ പാഠമാണ് ഇതിനു പിന്നിൽ. കേരളത്തിലെ തനത് ഉൽപ്പന്നങ്ങളുടെ കയറ്റുമതി മേഖലയിൽ വലിയ സാധ്യതകളുമുണ്ട്.
അഡ്മിഷനും സ്കോളർഷിപ്പും
പ്ലസ് ടുവിന് 50% മാർക്കുള്ളവർക്ക് പ്രവേശനത്തിന് അപേക്ഷിക്കാം. നാഷണൽ എയിമർ അഡ്മിഷൻ ടെസ്റ്റ് (NAAT), പേഴ്സണൽ ഇന്റർവ്യൂ എന്നിവയുടെ അടിസ്ഥാനത്തിലാണ് സെലക്ഷൻ. മികവ് പുലർത്തുന്ന വിദ്യാർത്ഥികൾക്കായി 12.5 കോടി രൂപയുടെ സ്കോളർഷിപ്പ് ഫണ്ടാണ് ഈ വർഷം മാറ്റിവെച്ചിരിക്കുന്നത്.
Discover how AIMER Business School in Markaz Knowledge City is transforming students into CEOs through experiential learning, seed funding, and international exposure.
