പശ്ചിമേഷ്യൻ മേഖലയിലെ നിലവിലെ സാഹചര്യം പരിഗണിച്ച് പുതിയ വിമാന ഷെഡ്യൂൾ പുറത്തിറക്കി എയർ ഇന്ത്യ ഗ്രൂപ്പ്. എയർ ഇന്ത്യയും എയർ ഇന്ത്യ എക്സ്പ്രസ്സും സംയുക്തമായി ദുബായ്, അബുദാബി, റാസൽഖൈമ, ഷാർജ തുടങ്ങിയ യുഎഇയിലെ പ്രധാന നഗരങ്ങളിലേക്ക് സർവീസ് നടത്തും. ഇന്ത്യയിലെ പ്രധാന ഹബ്ബുകളായ കൊച്ചി, ഡൽഹി, മുംബൈ എന്നിവിടങ്ങളിലേക്കാണ് ഈ വിമാനങ്ങൾ കണക്റ്റിവിറ്റി ഉറപ്പാക്കുന്നത്.
ഷെഡ്യൂൾ ചെയ്ത വിമാനങ്ങൾക്ക് പുറമെ പ്രത്യേക ആവശ്യങ്ങൾക്കായി നോൺ-ഷെഡ്യൂൾഡ് വിമാനങ്ങളും സർവീസ് നടത്തുമെന്ന് എയർ ഇന്ത്യ എക്സ് പ്ലാറ്റ്ഫോമിലൂടെ അറിയിച്ചു. മസ്കറ്റ്, ജിദ്ദ എന്നിവിടങ്ങളിൽ നിന്ന് ഡൽഹിയിലേക്കും മുംബൈയിലേക്കും വിമാനങ്ങൾ ലഭ്യമാണ്. എന്നാൽ, വിമാനത്താവളങ്ങളിലെ സ്ലോട്ടുകളുടെ ലഭ്യതയ്ക്കും അന്നത്തെ പ്രത്യേക സാഹചര്യങ്ങൾക്കും അനുസൃതമായി മാത്രമേ ഈ സർവീസുകൾ കൃത്യസമയത്ത് നടത്താൻ സാധിക്കൂ എന്ന് കമ്പനി വ്യക്തമാക്കിയിട്ടുണ്ട്.
Air India and Air India Express launch special flight schedules connecting Dubai, Abu Dhabi, and Sharjah with Kochi, Delhi, and Mumbai amid the current West Asia situation
