വിപണിയിലെ രാസവസ്തുക്കൾ നിറഞ്ഞ ചർമ്മസംരക്ഷണ ഉൽപ്പന്നങ്ങൾക്കിടയിൽ, പ്രകൃതിദത്തമായ പാരമ്പര്യക്കൂട്ടുകളുമായി ശ്രദ്ധനേടുകയാണ് ‘മൻഹ ഓർഗാനിക്സ്’. കച്ചി (Kutchi) കമ്മ്യൂണിറ്റിയുടെ 200 വർഷത്തോളം പഴക്കമുള്ള സൗന്ദര്യ രഹസ്യമാണ് മൻഹ ഓർഗാനിക്സിന്റെ അടിത്തറ. തങ്ങളുടെ ബ്രാൻഡിന്റെ വേരുകളെക്കുറിച്ചും വളർച്ചയെക്കുറിച്ചും ചാനൽഐയാം ‘മൈ ബ്രാൻഡ് മൈ പ്രൈഡിൽ’ മനസ്സുതുറക്കുകയാണ് മൻഹ ഓർഗാനിക്സ് സ്ഥാപക മഞ്ജുവും മകനും എംഡിയുമായ അബ്രാർ സേട്ടും.
ഉമ്മയുടെ കരുതലിൽ നിന്ന് ഒരു സംരംഭം
കച്ചി (Kutchi) കമ്മ്യൂണിറ്റിയുടെ 200 വർഷത്തോളം പഴക്കമുള്ള സൗന്ദര്യ രഹസ്യമാണ് മൻഹ ഓർഗാനിക്സിന്റെ അടിത്തറ. തന്റെ ഇളയ മകൻ അജുവിനായി വിപണിയിൽ നല്ലൊരു പ്രകൃതിദത്ത ഉൽപ്പന്നം തിരഞ്ഞ മഞ്ജുവിന് നിരാശയായിരുന്നു ഫലം. തുടർന്നാണ് തന്റെ കുടുംബത്തിൽ തലമുറകളായി കൈമാറിവന്ന ‘പീട്ടി’ (Peety) എന്ന ഔഷധക്കൂട്ട് ഉപയോഗിച്ച് എണ്ണയും പൊടിയും തയാറാക്കിത്തുടങ്ങിയത്. ബന്ധുക്കളിലും സുഹൃത്തുക്കളിലും നിന്ന് ലഭിച്ച മികച്ച പ്രതികരണം പിന്നീട് ബിസിനസ്സ് ആശയമായി മാറുകയായിരുന്നു.
എന്താണ് ഈ ‘പീട്ടി’?
കച്ചി സമൂഹത്തിലെ വിവാഹത്തിന് മുൻപുള്ള ചടങ്ങുകളിൽ ഒഴിച്ചുകൂടാനാവാത്ത ഒന്നാണ് ‘പീട്ടി’. 32ഓളം നാച്ചുറൽ ഇൻഗ്രീഡിയന്റുകൾ ചേർത്താണ് ഇത് തയാറാക്കുന്നത്. രക്തചന്ദനം, നെല്ലിക്ക തുടങ്ങിയ പ്രകൃതിദത്ത വസ്തുക്കളാണ് പ്രധാന ചേരുവകൾ. ഇതിൽ മഞ്ഞൾ അടങ്ങിയിട്ടുണ്ടെങ്കിലും വസ്ത്രങ്ങളിൽ കറ പിടിക്കില്ലെന്ന പ്രത്യേകതയുണ്ട്. ചർമ്മത്തിന് സ്വാഭാവികമായ തിളക്കവും ആരോഗ്യവും നൽകാൻ ഇത് സഹായിക്കുന്നു. ജനിതകമായി ലഭിച്ച നിറം മാറ്റുക എന്നതിലുപരി ചർമ്മത്തെ അതിന്റെ ഏറ്റവും മികച്ച അവസ്ഥയിൽ നിലനിർത്തുകയാണ് മൻഹ ഓർഗാനിക്സ് ലക്ഷ്യമിടുന്നത്.
വെല്ലുവിളികൾ അതിജീവിച്ച വളർച്ച
2009ൽ തുടക്കം കുറിച്ചെങ്കിലും 2017-18 കാലഘട്ടത്തിലാണ് സോഷ്യൽ മീഡിയ വഴി ബ്രാൻഡ് കൂടുതൽ ആളുകളിലേക്ക് എത്തിയത്. കോവിഡ് കാലത്ത് ഓഫ്ലൈൻ ഷോപ്പുകൾ അടച്ചുപൂട്ടേണ്ടി വന്നത് വലിയ പ്രതിസന്ധിയായിരുന്നു. എന്നാൽ പതറാതെ കുടുംബം മുഴുവൻ ഒപ്പം നിന്നതോടെ മൻഹ ഓർഗാനിക്സ് ഡിജിറ്റൽ വിപണിയിൽ കരുത്താർജ്ജിച്ചു. യൂട്യൂബ് നോക്കിയാണ് ആദ്യത്തെ വെബ്സൈറ്റ് ബിൽഡ് ചെയ്തതെന്നും ഇന്ന് 10,000ത്തിലധികം സജീവ ഉപഭോക്താക്കൾ കമ്പനിക്കുണ്ടെന്നും അബ്രാർ സേട്ട് പറയുന്നു.
വിപുലമായ ഉൽപ്പന്ന നിര
നിലവിൽ 28ഓളം ഉൽപ്പന്നങ്ങൾ മൻഹ വിപണിയിലെത്തിക്കുന്നു. പീട്ടി പൗഡർ കൂടാതെ സ്കിൻ ലൈറ്റനിംഗ് ഓയിൽ, ബോഡി ഓയിൽ, ബേബി ഓയിൽ, സോപ്പ്, ഹെയർ ഓയിൽ, സിറം എന്നിവയും ഇതിൽ ഉൾപ്പെടുന്നു. ജനറൽ കോസ്മെറ്റിക്സ് വിഭാഗത്തിലായി സീറോ കെമിക്കൽ ഫൗണ്ടേഷൻ, ലിപ് ബാം തുടങ്ങി 78 പുതിയ ഉൽപ്പന്നങ്ങളുടെ ഗവേഷണവും പൂർത്തിയായിട്ടുണ്ട്. വിദേശ രാജ്യങ്ങളിലേക്കും ഇപ്പോൾ ഈ ‘കച്ചി’ രഹസ്യം കയറ്റി അയക്കുന്നുണ്ട്. പൂർണ്ണമായും പ്രകൃതിദത്തമായതിനാൽ പാർശ്വഫലങ്ങൾ ഇല്ലെന്ന ഉറപ്പാണ് മൻഹയെ വ്യത്യസ്തമാക്കുന്നത്.
Discover the success story of Manha Organics. Built on a 200-year-old Kutchi tradition, founder Manju and MD Abrar Seth discuss their journey of bringing ‘Peety’—a chemical-free ancestral beauty secret—to the global market
