ഗുജറാത്തിലെ കണ്ട്ലയിൽ കപ്പൽ നിർമ്മാണ-അറ്റകുറ്റപ്പണി മേഖലകളിലെ സാധ്യതകൾ ആരായുന്നതിനായി ജപ്പാനിൽ നിന്നുള്ള പ്രതിനിധി സംഘം ദീനദയാൽ പോർട്ട് അതോറിറ്റി (DPA) സന്ദർശിച്ചു. ഡിപിഎ ചെയർമാൻ സുശീൽ കുമാർ സിംഗുമായി നടത്തിയ ചർച്ചയിൽ, തുറമുഖത്തെ അടിസ്ഥാന സൗകര്യ വികസനത്തിലും വരാനിരിക്കുന്ന വൻകിട പദ്ധതികളിലും സഹകരിക്കാൻ ജാപ്പനീസ് സംഘം താല്പര്യം പ്രകടിപ്പിച്ചു.
ഇന്ത്യയുടെ നാഷണൽ ഷിപ്പ് ബിൽഡിംഗ് മിഷൻ, മാരിടൈം ഇന്ത്യ വിഷൻ എന്നിവയുടെ ഭാഗമായി ആഭ്യന്തര കപ്പൽ നിർമ്മാണ ശേഷി വർധിപ്പിക്കുന്നതിനുള്ള നീക്കങ്ങൾക്ക് ഈ സന്ദർശനം കരുത്തേകും. കണ്ട്ലയിലെയും സമീപപ്രദേശമായ വീരയിലെയും നിർദ്ദിഷ്ട കപ്പൽശാലാ സൈറ്റുകൾ സന്ദർശിച്ച സംഘം ഭൂമിശാസ്ത്രപരമായ പ്രത്യേകതകളും ഗതാഗത സൗകര്യങ്ങളും വിലയിരുത്തി. വിദേശ നിക്ഷേപവും അത്യാധുനിക സാങ്കേതിക വിദ്യയും ഇന്ത്യയുടെ മാരിടൈം മേഖലയിലേക്ക് എത്തിക്കുന്നതിലൂടെ കൂടുതൽ തൊഴിലവസരങ്ങൾ സൃഷ്ടിക്കപ്പെടുമെന്നാണ് അധികൃതർ പ്രതീക്ഷിക്കുന്നത്.
A Japanese delegation visited Deendayal Port Authority (DPA) in Kandla to explore massive investment opportunities in shipbuilding and repair, aligning with India’s National Shipbuilding Mission
