വിൽപനയിലെ ഇടിവിനെത്തുടർന്ന് മാരുതി സുസുക്കി തങ്ങളുടെ അർബൻ കോംപാക്ട് ഹാച്ച്ബാക്കായ ഇഗ്നിസ് (Ignis) ഇന്ത്യയിൽ നിർത്തലാക്കുന്നതായി റിപ്പോർട്ടുകൾ. കഴിഞ്ഞ ഒരു മാസമായി കാറിന്റെ ഉൽപ്പാദനവും ബുക്കിംഗും നിർത്തിവെച്ചതായാണ് ഡീലർമാരെ ഉദ്ധരിച്ചുള്ള വിവരങ്ങൾ സൂചിപ്പിക്കുന്നത്.
2017ൽ പുറത്തിറങ്ങിയ ഇഗ്നിസിന് തുടക്കത്തിൽ വലിയ സ്വീകാര്യത ലഭിച്ചിരുന്നെങ്കിലും പിന്നീട് ടാറ്റ പഞ്ച് പോലുള്ള മൈക്രോ എസ്യുവികളുടെ വരവ് വിപണിയിൽ വെല്ലുവിളിയായി. ഫെബ്രുവരിയിലെ കണക്കനുസരിച്ച് ഇഗ്നിസിന്റെ വിൽപനയിൽ മുൻവർഷത്തെ അപേക്ഷിച്ച് 50 ശതമാനത്തോളം കുറവാണ് രേഖപ്പെടുത്തിയിരിക്കുന്നത്. ഈ സാഹചര്യത്തിൽ പഞ്ചിന് പകരക്കാരനാകാൻ ശേഷിയുള്ള പുതിയ മൈക്രോ എസ്യുവി പുറത്തിറക്കാനാണ് കമ്പനി ഇപ്പോൾ ലക്ഷ്യമിടുന്നത്.
Maruti Suzuki has reportedly stopped production of the Ignis after 9 years. Discover why the “Urban SUV” was axed and learn about the upcoming Y43 micro SUV set to challenge the Tata Punch
