ജീവനക്കാരന് ആഢംബര കാർ സമ്മാനമായി നൽകി ഓക്സിജൻ ഡിജിറ്റൽ ഷോപ്പിംഗ്. ഓക്സിജനിൽ 25 വർഷത്തെ സേവനം പൂർത്തിയാക്കിയ വൈസ് പ്രസിഡൻ്റ് പ്രവീൺ പ്രകാശിനാണ് കമ്പനി സിഇഒ ഷിജോ.കെ.തോമസ് ബിഎംഡബ്ല്യു കാർ സമ്മാനമായി നൽകിയത്.
19ആം വയസ്സിൽ സാധാരണ ടെക്നീഷ്യനായാണ് പ്രവീൺ പ്രകാശ് ഓക്സിജൻ്റെ ഭാഗമാകുന്നത്. കഴിഞ്ഞ രണ്ടര പതിറ്റാണ്ടായി കമ്പനിയുടെ വളർച്ചയിൽ നിർണ്ണായക പങ്കുവഹിച്ച അദ്ദേഹം, കഠിനാധ്വാനവും അർപ്പണബോധവും കൊണ്ട് വൈസ് പ്രസിഡൻ്റ് സ്ഥാനത്തേക്ക് ഉയരുകയായിരുന്നു.
സാധാരണ ജീവനക്കാരനിൽ നിന്നും നേതൃനിരയിലേക്ക് ഒരാൾ വളരുന്നത് മറ്റുള്ളവർക്ക് വലിയ പ്രചോദനമാണെന്ന് ഷിജോ.കെ.തോമസ് പറഞ്ഞു. പ്രവീണിനെപ്പോലെ ദീർഘകാലം സ്ഥാപനത്തോടൊപ്പം നിൽക്കുന്ന ജീവനക്കാർ നേതൃത്വത്തിലും ടീം മാനേജ്മെൻ്റിലുമുള്ള വിശ്വാസത്തിൻ്റെ അടയാളമാണെന്നും അദ്ദേഹം കൂട്ടിച്ചേർത്തു.
Oxygen Digital Shop CEO Shijo K. Thomas gifted a luxury BMW car to Vice President Praveen Prakash for his 25-year dedication. Discover the inspiring journey of a technician who rose to the top
