ക്ലൗഡ് ടെക്നോളജി, ഡാറ്റ മാനേജ്മെന്റ്, ജനറേറ്റീവ് എഐ എന്നിവയിലൂടെ എങ്ങനെ ബിസിനസ് ഗ്രോത്ത് കൊണ്ടുവരാം എന്ന വിഷയത്തിൽ കൊച്ചിയിൽ മീറ്റ് അപ് നടക്കുന്നു. ക്ലൗഡ് സാങ്കേതിക മേഖലയിലെ ബിസിനസ് അവസരങ്ങൾ പരിചയപ്പെടുത്തുന്ന മീറ്റ് അപ്, Amazon Web Services, MongoDB, Axcess.io എന്നിവർ സംയുക്തമായാണ് സംഘടിപ്പിക്കുന്നത്. “Accelerating Migration & Modernization with GenAI” എന്ന തീമിൽ നടക്കുന്ന പ്രത്യേക സെമിനാർ, കൊച്ചി മാരിയറ്റ് ഹോട്ടലിലാണ് നടക്കുന്നത്.
ക്ഷണിക്കപ്പെട്ട അതിഥികൾക്ക് മാത്രമുള്ള സെഷനിൽ താഴെ പറയുന്ന വിഷയങ്ങൾ ചർച്ചയാകും:
വേഗത്തിലുള്ള ക്ലൗഡ് മൈഗ്രേഷൻ: ബിസിനസ് പ്രവർത്തനങ്ങൾ സുഗമമായി ക്ലൗഡിലേക്ക് മാറ്റുന്ന രീതികൾ.
ആപ്ലിക്കേഷൻ മോഡേണൈസേഷൻ: നിലവിലുള്ള സോഫ്റ്റ്വെയർ സംവിധാനങ്ങളെ ആധുനിക സാങ്കേതികവിദ്യയിലേക്ക് മാറ്റുന്ന രീതി.
GenAI-യുടെ പങ്ക്: എന്റർപ്രൈസ് സാങ്കേതികവിദ്യയിൽ ആർട്ടിഫിഷ്യൽ ഇന്റലിജൻസിന്റെ വളരുന്ന പ്രാധാന്യം.
സുരക്ഷയും പ്രകടനവും: കുറഞ്ഞ ചിലവിൽ മികച്ച സുരക്ഷയും പെർഫോമൻസും ഉറപ്പാക്കുന്ന വിധം.
ക്ലൗഡ്, എഐ സങ്കേതിക രംഗത്തെ വിദഗ്ധർ ഈ സെഷനുകൾക്ക് നേതൃത്വം നൽകും. Axcess.io മാനേജിംഗ് പാർട്ണറും CRO-യുമായി രഞ്ജിത്ത് ബാലകൃഷ്ണൻ, Axcess.io കോ-ഫൗണ്ടറും CTO-യുമായ വിക്രാന്ത് സുന്ദ്രിയൽ, MongoDB-യുടെ ഡയറക്ടർ സൊല്യൂഷൻ ആർക്കിടെക്ചറായ ദിവാകരൻ യു എന്നിവർ സെഷനുകൾ നയിക്കും.
‘ക്ലൗഡ് ഫസ്റ്റ്’ ആർക്കിടെക്ചറിനെക്കുറിച്ചുള്ള ഉൾക്കാഴ്ചകൾ AWS പങ്കുവെക്കുമ്പോൾ, മോഡേൺ ഡാറ്റാ ലെയർ സ്ട്രാറ്റജികളെക്കുറിച്ച് MongoDB വിശദീകരിക്കും. ഈ സാങ്കേതിക വിദ്യകളുടെ പ്രായോഗികമായ ഏകോപനത്തെക്കുറിച്ചായിരിക്കും Axcess.io വിവരിക്കുക. തെരഞ്ഞെടുത്ത കമ്പനികളിലെ സി.ടി.ഒമാർ (CTO), സി.ഐ.ഒമാർ (CIO), എഞ്ചിനീയറിംഗ് മേധാവികൾ എന്നിവർ ഈ പരിപാടിയിൽ പങ്കെടുക്കും. ക്ലൗഡ്, എഐ അധിഷ്ഠിത മാറ്റങ്ങൾക്ക് തയ്യാറെടുക്കുന്ന സ്ഥാപനങ്ങൾക്ക് കൃത്യമായ മാർഗനിർദ്ദേശങ്ങൾ നൽകുകയാണ് ഈ മീറ്റിന്റെ പ്രധാന ലക്ഷ്യം.കൂടുതൽ വിവരങ്ങൾക്ക് https://eventsiam.com/ സന്ദർശിക്കുക.
Join AWS, MongoDB, and Axcess.io at Kochi Marriott for an exclusive session on ‘Accelerating Migration & Modernization with GenAI.’ Learn how to scale your business using Cloud and AI.
