ഇന്ത്യൻ ക്രിക്കറ്റ് ഇതിഹാസം എം.എസ്. ധോണി, ജസ്പ്രീത് ബുംറ, ഹാർദിക് പാണ്ഡ്യ തുടങ്ങിയ പ്രമുഖ താരങ്ങളുടെ പിന്തുണയോടെ ഗെയിം-ടെക് സ്റ്റാർട്ടപ്പായ ‘ലൈറ്റ്ഫ്യൂറി ഗെയിംസ്’ (LightFury Games) 11 മില്യൺ ഡോളർ നിക്ഷേപം സമാഹരിച്ചു. ബ്ലൂം വെഞ്ചേഴ്സ്, മിക്സി ഉൾപ്പെടെയുള്ള പ്രമുഖ നിക്ഷേപകരിൽ നിന്നാണ് കമ്പനി ഈ തുക സമാഹരിച്ചത്.
നിലവിൽ കമ്പനി വികസിപ്പിച്ചുകൊണ്ടിരിക്കുന്ന ‘ഇ-ക്രിക്കറ്റ്’ (E-Cricket) എന്ന ബിഗ് ബജറ്റ് ഗെയിമിൽ ധോണി ഉൾപ്പെടെയുള്ള താരങ്ങൾ എത്തുന്നു എന്ന പ്രത്യേകതയുമുണ്ട്. ഇതാദ്യമായാണ് എം.എസ്. ധോണി ഒരു ക്രിക്കറ്റ് ഗെയിമിൽ ഔദ്യോഗികമായി പ്രത്യക്ഷപ്പെടുന്നത്. അത്യാധുനിക സാങ്കേതികവിദ്യയായ അൺറിയൽ എഞ്ചിൻ 5 ഉപയോഗിച്ച് നിർമ്മിക്കുന്ന ഈ ഗെയിം ഈ വർഷം അവസാനം ആൻഡ്രോയിഡ്, ഐഒഎസ് പ്ലാറ്റ്ഫോമുകളിൽ പുറത്തിറങ്ങും. ലോകമെമ്പാടുമുള്ള 600ലധികം പ്രൊഫഷണൽ ക്രിക്കറ്റ് താരങ്ങളുടെ ലൈസൻസും ഇതിനോടകം കമ്പനി സ്വന്തമാക്കിയിട്ടുണ്ട്.
Gaming-tech startup LightFury Games secures $11M in funding from Blume Ventures and Mixi. The upcoming ‘E-Cricket’ game marks MS Dhoni’s first official video game appearance. Read about the Unreal Engine 5 experience
