പ്രമുഖ വാഹന നിർമ്മാതാക്കളായ സ്റ്റെല്ലാന്റിസ് ഇന്ത്യ, തമിഴ്നാട്ടിലെ തിരുവള്ളൂർ പ്ലാന്റിൽ നിന്ന് 50000 വാഹനം പുറത്തിറക്കി സുപ്രധാന നാഴികക്കല്ല് പിന്നിട്ടു. ഇന്ത്യയിൽ വികസിപ്പിച്ച ‘സ്മാർട്ട് കാർ പ്ലാറ്റ്ഫോമി’ന്റെ വിജയമാണ് ഈ നേട്ടത്തിലൂടെ പ്രതിഫലിക്കുന്നതെന്ന് കമ്പനി അറിയിച്ചു.
ഇന്ത്യൻ ഗവേഷണ-വികസന വിഭാഗം നേതൃത്വം നൽകുന്ന ഈ പ്ലാറ്റ്ഫോം നിലവിൽ യൂറോപ്പ്, തെക്കേ അമേരിക്ക, ഏഷ്യ എന്നിവിടങ്ങളിലെ വാഹന നിർമ്മാണത്തിനും ഉപയോഗിക്കുന്നുണ്ട്. ആഭ്യന്തര വിപണിക്ക് പുറമെ ലാറ്റിൻ അമേരിക്ക, മിഡിൽ ഈസ്റ്റ്, ആഫ്രിക്ക തുടങ്ങിയ വിദേശ വിപണികളിലേക്കും ഈ പ്ലാന്റിൽ നിന്നുള്ള വാഹനങ്ങൾ കയറ്റുമതി ചെയ്യുന്നു. തമിഴ്നാടിനെ ആഗോള നിലവാരമുള്ള വാഹന കയറ്റുമതി കേന്ദ്രമാക്കി മാറ്റുന്നതിൽ തിരുവള്ളൂർ പ്ലാന്റ് നിർണ്ണായക പങ്കുവഹിക്കുന്നുണ്ടെന്ന് കമ്പനി വ്യക്തമാക്കി.
Stellantis India celebrates the rollout of its 50,000th vehicle from the Thiruvallur plant in Tamil Nadu. The achievement highlights the global success of the Indian-developed ‘Smart Car Platform’ used across Europe and Asia.
