ഇന്ത്യയിലെ വ്യോമയാന മേഖല കരയിൽ നിന്ന് ജലാശയങ്ങളിലേക്ക് കൂടി വ്യാപിക്കുന്നതിന്റെ ഭാഗമായി രാജ്യത്തെ ആദ്യ വാണിജ്യ സീപ്ലെയിൻ സർവീസുകൾക്ക് തുടക്കമാകുന്നു. ആദ്യ സീപ്ലെയിൻ ഓപ്പറേറ്ററായ ‘സ്കൈഹോപ്പ് ഏവിയേഷൻ’ (SkyHop Aviation), ഡയറക്ടറേറ്റ് ജനറൽ ഓഫ് സിവിൽ ഏവിയേഷനിൽ (DGCA) നിന്ന് എയർ ഓപ്പറേറ്റർ സർട്ടിഫിക്കറ്റ് സ്വന്തമാക്കിയതോടെ സർവീസുകൾ ഉടൻ ആരംഭിക്കും.
പദ്ധതിയുടെ ഒന്നാം ഘട്ടത്തിൽ ലക്ഷദ്വീപിലെ അഞ്ച് ദ്വീപുകളെ തമ്മിലും, അവയെ ഇന്ത്യൻ പ്രധാന ഭൂഭാഗവുമായും ബന്ധിപ്പിച്ചുകൊണ്ടുള്ള സർവീസുകൾക്കാണ് മുൻഗണന നൽകുന്നത്. 19 സീറ്റുകളുള്ള വിമാനങ്ങളാണ് ഇതിനായി ഉപയോഗിക്കുന്നത്, ഇത് വിമാനത്താവള സൗകര്യങ്ങൾ പരിമിതമായ ലക്ഷദ്വീപ് പോലുള്ള മേഖലകളിൽ യാത്രാസമയം ഗണ്യമായി കുറയ്ക്കാനും ടൂറിസം മേഖലയ്ക്ക് വലിയ ഉണർവ് നൽകാനും സഹായിക്കും. വിമാനത്താവളങ്ങൾ നിർമ്മിക്കാൻ പ്രായോഗികമല്ലാത്ത മലയോര മേഖലകളിലും ഉൾനാടൻ ജലാശയങ്ങളുള്ള പ്രദേശങ്ങളിലും മികച്ച കണക്റ്റിവിറ്റി ഉറപ്പാക്കാൻ ഈ സീപ്ലെയിൻ സർവീസുകൾക്ക് സാധിക്കും.
India’s aviation sector hits the water! SkyHop Aviation receives DGCA approval to launch the country’s first commercial seaplane service in Lakshadweep. Discover how these 19-seater flights will transform island connectivity and boost tourism
