ഫ്രഞ്ച് നിർമ്മാണ സാമഗ്രി ഭീമന്മാരായ സെന്റ്-ഗോബെയ്ൻ (Saint-Gobain) അടുത്ത അഞ്ച് വർഷത്തിനുള്ളിൽ ഇന്ത്യയിൽ 1 ബില്യൺ ഡോളർ നിക്ഷേപിക്കാൻ ഒരുങ്ങുന്നു. ഇന്ത്യയിലെ അതിവേഗ നഗരവൽക്കരണവും അടിസ്ഥാന സൗകര്യ വികസനവും കണക്കിലെടുത്താണ് ഈ വമ്പൻ നീക്കം. ഇന്ത്യയെ വെറുമൊരു ആഭ്യന്തര വിപണിയായല്ല, മറിച്ച് തെക്കുകിഴക്കൻ ഏഷ്യയിലേക്കും ഓസ്ട്രേലിയയിലേക്കും ഉൽപ്പന്നങ്ങൾ എത്തിക്കാനുള്ള പ്രധാന ആഗോള കയറ്റുമതി കേന്ദ്രമായി മാറ്റുകയാണ് ലക്ഷ്യമെന്ന് കമ്പനി സിഇഓ ബെനോയിറ്റ് ബാസിൻ വ്യക്തമാക്കി. നിലവിൽ കമ്പനിയുടെ ഇന്ത്യൻ ഉൽപ്പാദനത്തിന്റെ 5 ശതമാനം മാത്രമാണ് കയറ്റുമതി ചെയ്യുന്നത്, ഇത് അടുത്ത അഞ്ച് വർഷത്തിനുള്ളിൽ 15 ശതമാനമായി ഉയർത്താനാണ് കമ്പനി ലക്ഷ്യമിടുന്നത്.
പുതിയ ഫാക്ടറികൾ, ഗവേഷണ കേന്ദ്രങ്ങൾ (R&D), ഡിജിറ്റൽ നവീകരണം എന്നിവയ്ക്കായിരിക്കും ഈ തുക ചിലവഴിക്കുക. ചെന്നൈയിലെ കമ്പനിയുടെ വ്യവസായ കേന്ദ്രത്തെ ലോകത്തിലെ തന്നെ ഏറ്റവും വലിയ ഹബ്ബാക്കി മാറ്റാനുള്ള വിപുലീകരണ പ്രവർത്തനങ്ങളും ഇതിന്റെ ഭാഗമാണ്. നിലവിൽ ഇന്ത്യയിലുടനീളം 20-ലധികം നിർമ്മാണ യൂണിറ്റുകളും പതിനായിരത്തോളം ജീവനക്കാരുമുള്ള സെന്റ്-ഗോബെയ്ൻ, അടുത്ത പത്ത് വർഷത്തിനുള്ളിൽ തങ്ങളുടെ ബിസിനസ്സ് മൂന്നിരട്ടിയായി വർദ്ധിപ്പിക്കാനാണ് പദ്ധതിയിടുന്നത്. ഡൽഹിയിലെ സെൻട്രൽ വിസ്ത പ്രോജക്റ്റ് ഉൾപ്പെടെയുള്ള രാജ്യത്തെ പ്രധാന നിർമ്മാണ പദ്ധതികളിൽ കമ്പനി ഇതിനോടകം പങ്കാളികളാണ്
French giant Saint-Gobain announces a $1 billion investment in India over the next five years. CEO Benoit Bazin aims to triple business and boost exports to Southeast Asia and Australia
