ആർട്ടിഫിഷ്യൽ ഇന്റലിജൻസ് (AI) മേഖലയിൽ കൂടുതൽ നിക്ഷേപം നടത്തുന്നതിന്റെ ഭാഗമായി പ്രമുഖ നെറ്റ്വർക്കിംഗ് കമ്പനിയായ സിസ്കോ (Cisco) നാലായിരത്തോളം ജീവനക്കാരെ പിരിച്ചുവിടുന്നു. കമ്പനിയുടെ ആകെ ജീവനക്കാരുടെ അഞ്ച് ശതമാനത്തിൽ താഴെ ആളുകളെയാണ് ഈ പുനസംഘടന ബാധിക്കുക. എഐ അടിസ്ഥാനമാക്കിയുള്ള ഉൽപ്പന്നങ്ങൾക്കും സേവനങ്ങൾക്കും വിപണിയിൽ ആവശ്യക്കാർ ഏറുന്ന സാഹചര്യത്തിലാണ് കമ്പനിയുടെ ഈ പുതിയ നീക്കം.
ഹൈപ്പർ സ്കെയിലറുകളിൽ നിന്നുള്ള ഓർഡറുകൾ വർധിച്ചതോടെ കമ്പനിയുടെ വാർഷിക വരുമാന ലക്ഷ്യം സിസ്കോ പുതുക്കി നിശ്ചയിച്ചു. ഈ സാമ്പത്തിക വർഷം ഇതുവരെ ഏകദേശം 5.3 ബില്യൺ ഡോളറിന്റെ എഐ ഇൻഫ്രാസ്ട്രക്ചർ ഓർഡറുകളാണ് കമ്പനിക്ക് ലഭിച്ചത്.
Cisco announces a major restructuring, cutting nearly 4,000 jobs to pivot toward Artificial Intelligence. Despite layoffs, Cisco reports a surge in AI infrastructure orders
