നാഗ്പൂർ അന്താരാഷ്ട്ര വിമാനത്താവളത്തിന്റെ വികസനത്തിനും നവീകരണത്തിനുമായി ഭൂമി പാട്ടത്തിന് നൽകാനുള്ള കാലാവധി നീട്ടുന്നതിന് പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭാ യോഗം അംഗീകാരം നൽകി. പൊതു-സ്വകാര്യ പങ്കാളിത്തത്തോടെ (PPP) വിമാനത്താവളം ആധുനികവൽക്കരിക്കുന്നതിനായി ജിഎംആർ നാഗ്പൂർ ഇന്റർനാഷണൽ എയർപോർട്ട് ലിമിറ്റഡിന് (GNIAL) 30 വർഷത്തേക്ക് വിമാനത്താവളം കൈമാറാൻ ഈ തീരുമാനം വഴിയൊരുക്കും.
മധ്യ ഇന്ത്യയിലെ പ്രധാന ഏവിയേഷൻ ഹബ്ബായി നാഗ്പൂരിനെ മാറ്റുന്നതിനായുള്ള ‘മിഹാൻ’ (MIHAN) പദ്ധതിയുടെ ഭാഗമായാണ് ഈ നടപടി. വിമാനത്താവളത്തിൽ ആധുനിക സൗകര്യങ്ങൾ ഏർപ്പെടുത്തുന്നതിലൂടെ പ്രതിവർഷം 3 കോടി യാത്രക്കാരെ കൈകാര്യം ചെയ്യാനുള്ള ശേഷി കൈവരിക്കാനാണ് ലക്ഷ്യമിടുന്നത്. ഈ നവീകരണം വിദർഭ മേഖലയിലെ ഗതാഗത സൗകര്യങ്ങൾ മെച്ചപ്പെടുത്തുന്നതിനൊപ്പം സാമ്പത്തിക പുരോഗതിക്കും ചരക്ക് നീക്കം വർധിപ്പിക്കാനും സഹായിക്കും.
The Union Cabinet has approved the modernization of Nagpur International Airport. GMR Group will upgrade the facility under a PPP model to handle 3 crore passengers annually
