ഓക്സ്ഫോർഡ് സർവകലാശാലയിലെ ടീച്ചിംഗ്, റിസർച്ച് ഡിസൈൻ ആൻഡ് സപ്പോർട്ട് ഗ്രൂപ്പ് മേധാവിയും മലയാളിയുമായ ഡോ. നികിത ഹരിക്ക്, എഞ്ചിനീയറിംഗ് വിദ്യാഭ്യാസ രംഗത്തെ നവീന സംഭാവനകൾ മുൻനിർത്തി ഗൂഗിൾ എഐ ഫെലോഷിപ്പും അഡ്വാൻസ് എച്ച്ഇ സീനിയർ ഫെലോഷിപ്പും ലഭിച്ചു. ഉന്നതവിദ്യാഭ്യാസ മേഖലയിലെ പഠന-ബോധന പ്രക്രിയകളിൽ ആർട്ടിഫിഷ്യൽ ഇന്റലിജൻസ് (AI) സുരക്ഷിതമായും ഉത്തരവാദിത്തത്തോടെയും ഉൾപ്പെടുത്തിയതിനും സിലബസ് പരിഷ്കരണത്തിലെ മികവിനുമാണ് ഈ ഇരട്ട അംഗീകാരം.
ഓക്സ്ഫോർഡ് സർവകലാശാലയിലും ആഗോളതലത്തിലും വിദ്യാഭ്യാസ നയ രൂപീകരണത്തിലും ഇൻക്ലൂസീവ് രീതികൾ പ്രോത്സാഹിപ്പിക്കുന്നതിലും നികിത ഹരി വഹിച്ച പങ്ക് ഈ പുരസ്കാരങ്ങളിലൂടെ ആദരിക്കപ്പെട്ടു. ആഗോളതലത്തിൽ ഉന്നതവിദ്യാഭ്യാസ രംഗത്ത് എഐ സാങ്കേതികവിദ്യയുടെ സാധ്യതകൾ പര്യവേക്ഷണം ചെയ്യുന്ന അധ്യാപകരെ പിന്തുണയ്ക്കുന്നതാണ് ഗൂഗിളിന്റെ ‘എച്ച്ഇ ഫാക്കൽറ്റി എഐ ഫെലോഷിപ്പ്’. അധ്യാപനത്തിലും വിദ്യാഭ്യാസ നേതൃത്വത്തിലും ദീർഘകാലത്തെ മികച്ച പ്രവർത്തന പരിചയമുള്ള പ്രൊഫഷണലുകൾക്ക് മാത്രമാണ് ബ്രിട്ടനിലെ പ്രശസ്തമായ ‘അഡ്വാൻസ് എച്ച്ഇ സീനിയർ ഫെലോഷിപ്പ്’ നൽകുന്നത്
Malayali educator Dr. Nikita Hari, Head of Teaching & Research Design at Oxford University, wins two prestigious international awards: Google AI Faculty Fellowship and Advance HE Senior Fellowship.
