രാജ്യത്തെ ആകെ ടെലികോം വരിക്കാരുടെ എണ്ണം ഏപ്രിലിൽ 133.75 കോടിയെന്ന റെക്കോർഡ് ഉയരത്തിലെത്തിയതായും പുതിയ വരിക്കാരെ ചേർക്കുന്നതിൽ ഭാരതി എയർടെൽ ഒന്നാം സ്ഥാനം നിലനിർത്തിയതായും ട്രായ് (Trai) പുറത്തുവിട്ട ഏറ്റവും പുതിയ കണക്കുകൾ വ്യക്തമാക്കുന്നു. പുതിയ കണക്കുകൾ പ്രകാരം ഏപ്രിൽ മാസത്തിൽ മൊബൈൽ, വയർലൈൻ മേഖലകളിലായി 34.82 ലക്ഷം പുതിയ വരിക്കാരെ സ്വന്തമാക്കിയ എയർടെൽ, തങ്ങളുടെ പ്രധാന എതിരാളികളായ റിലയൻസ് ജിയോയെക്കാൾ മുന്നിലെത്തി.
ഇതേ കാലയളവിൽ 30.84 ലക്ഷം പുതിയ കണക്ഷനുകളാണ് റിലയൻസ് ജിയോയ്ക്ക് ലഭിച്ചതെങ്കിൽ വോഡഫോൺ ഐഡിയ 53,257 വരിക്കാരെയും ബി.എസ്.എൻ.എൽ 76,175 പുതിയ വരിക്കാരെയും തങ്ങളുടെ ശൃംഖലയിലേക്ക് കൂട്ടിചേർത്തു. രാജ്യത്തെ ആകെ ബ്രോഡ്ബാൻഡ് വരിക്കാരുടെ എണ്ണം 107.34 കോടിയായി ഉയർന്നതായും ഈ മേഖലയിൽ 52.69 കോടി വരിക്കാരുമായി റിലയൻസ് ജിയോ തന്നെയാണ് ഇപ്പോഴും ഏറ്റവും മുന്നിലെന്നും റിപ്പോർട്ടിലുണ്ട്.
“Bharti Airtel leads India’s telecom subscriber growth by adding 34.82 lakh new users, beating Reliance Jio. India’s total telecom base hits a record 133.75 crore.”
