യുകെയിലെ ഏറ്റവും ശ്രദ്ധേയമായ വിവാഹമോചനക്കേസുകളിലൊന്നിൽ ഭർത്താവിന്റെച്ച സ്വത്തുക്കൾ നിയമപരമായി കണ്ടെത്തി ഇന്ത്യൻ വംശജയായ വർഷ ഗോഹിൽ 66 ലക്ഷം പൗണ്ട് (ഏകദേശം 85 കോടി രൂപ) നഷ്ടപരിഹാരം നേടി. പരസ്ത്രീബന്ധവും മോശം പെരുമാറ്റവും ചൂണ്ടിക്കാട്ടി 2002ൽ ഭദ്രേഷ് ഗോഹിലിൽ നിന്ന് വിവാഹമോചനം തേടിയ വർഷയ്ക്ക്, അന്ന് യഥാർത്ഥ സ്വത്തുവിവരങ്ങൾ മറച്ചുവെച്ച് 3.5 കോടി രൂപ മാത്രമാണ് ഭർത്താവ് നൽകിയിരുന്നത്.
എന്നാൽ, മുൻ നൈജീരിയൻ ഗവർണറുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ പെട്ട് 2011-ൽ ഭദ്രേഷ് 10 വർഷം തടവിന് ശിക്ഷിക്കപ്പെട്ടതോടെയാണ് കോടിക്കണക്കിന് രൂപയുടെ രഹസ്യ സ്വത്തുക്കളെക്കുറിച്ചുള്ള വിവരങ്ങൾ പുറത്തുവന്നത്. ഇതേത്തുടർന്ന് വർഷ നൽകിയ ഹർജിയിൽ 2015-ൽ യുകെ സുപ്രീം കോടതി കേസ് പുനഃപരിശോധിക്കുകയും, ഒടുവിൽ ഹൈക്കോടതി ഉത്തരവിലൂടെ ഇത്രയും വലിയ തുക അനുവദിച്ച് യുകെ അപ്പീൽ കോടതി കേസ് പൂർണ്ണമായി അവസാനിപ്പിക്കുകയുമായിരുന്നു.
Indian-origin Varsha Gohil wins an ₹85 crore (£6.6m) UK divorce payout after a 23-year legal battle exposing her ex-husband Bhadresh Gohil’s hidden wealth.
