ലക്ഷദ്വീപിൽ 47 വർഷമായി നിലവിലുണ്ടായിരുന്ന മദ്യനിരോധന നിയമം കേന്ദ്ര സർക്കാർ റദ്ദാക്കി. 1979ലെ ലക്ഷദ്വീപ് നിരോധന നിയമത്തിന് പകരമായി, മദ്യവ്യാപാരത്തിന് ലൈസൻസ് അനുവദിക്കുന്ന പുതിയ ‘ലക്ഷദ്വീപ് എക്സൈസ് റെഗുലേഷൻ 2026’ പ്രാബല്യത്തിൽ വന്നു.
ദ്വീപ് നിവാസികളുടെയും സാമൂഹിക സംഘടനകളുടെയും ശക്തമായ എതിർപ്പുകളെ അവഗണിച്ചുകൊണ്ടാണ് മദ്യത്തിന്റെ ഉത്പാദനം, ഇറക്കുമതി, വിൽപ്പന എന്നിവയ്ക്ക് അനുമതി നൽകുന്ന ഈ പുതിയ നിയമം നടപ്പിലാക്കിയത്. മദ്യനിരോധനം നീക്കിയത് ദ്വീപിലെ എക്സൈസ് ഭരണം കാര്യക്ഷമമാക്കാനും വിനോദസഞ്ചാര മേഖലയ്ക്കും സാമ്പത്തിക വളർച്ചയ്ക്കും മുൻതൂക്കം നൽകാനുമാണെന്നാണ് ലക്ഷദ്വീപ് ഭരണകൂടത്തിന്റെ വാദം.
The Central Government has repealed the 47-year-old liquor ban in Lakshadweep. The new Lakshadweep Excise Regulation 2026 allows alcohol sales despite local protests.
