മുംബൈ അന്ധേരിയിലെ 101.4 ഏക്കർ വിസ്തൃതിയുള്ള ജുഹു ഗല്ലി ചേരി പുനരുദ്ധാരണ പദ്ധതിയുടെ കരാർ മുകേഷ് അംബാനിയുടെ റിലയൻസ് ഗ്രൂപ്പ് സ്വന്തമാക്കി. റിലയൻസ് 4IR റിയൽറ്റി പ്രൈവറ്റ് ലിമിറ്റഡിന്റെ നേതൃത്വത്തിലുള്ള കൺസോർഷ്യമാണ് ജെ.എസ്.ഡബ്ല്യു ഗ്രൂപ്പ്, ഷാപൂർജി പല്ലോൻജി ഗ്രൂപ്പ് എന്നിവരെ മറികടന്ന് ഈ ലേലം വിജയിച്ചത്.
നിലവിൽ ഏഷ്യയിലെ തന്നെ ഏറ്റവും വലിയ ചേരികളിലൊന്നായ ധാരാവിയുടെ പുനരുദ്ധാരണം നടത്തുന്ന അദാനി ഗ്രൂപ്പിന് പിന്നാലെയാണ് റിലയൻസും ഈ മേഖലയിലേക്ക് ചുവടുവെക്കുന്നത്. ഈ മെഗാ പ്രൊജക്ടിലൂടെ പ്രദേശത്തെ യോഗ്യരായ താമസക്കാർക്കായി 28,000ത്തിലധികം പുനരധിവാസ വീടുകളാണ് റിലയൻസ് നിർമ്മിച്ച് നൽകേണ്ടത്.
Mukesh Ambani’s Reliance Group wins the contract for the 101.4-acre Juhu Galli slum redevelopment project in Mumbai, constructing over 28,000 houses.
