സംസ്ഥാനത്തെ വ്യവസായങ്ങൾക്ക് ഭൂമി കണ്ടെത്തുകയെന്ന വെല്ലുവിളിക്ക് പരിഹാരവുമായി സമഗ്രമായ ലാൻഡ് മാനേജ്മെന്റ് നയം രൂപീകരിക്കാൻ ബജറ്റ് വ്യവസ്ഥ ചെയ്യുന്നു. സംസ്ഥാനത്തെത്തുന്ന നിക്ഷേപങ്ങൾക്ക് ലോകോത്തര അടിസ്ഥാന സൗകര്യങ്ങൾ, സാമ്പത്തിക മേഖല, അനുമതികൾക്കുള്ള സുഗമമായ നടപടിക്രമങ്ങൾ, ഭരണവേഗത്തിനും പദ്ധതി വിജയത്തിനുമുള്ള നടപടികൾ ഉറപ്പാക്കുന്ന സ്പെഷ്യൽ ഇൻവെസ്റ്റ്മെന്റ് സോൺ Special Investment Zone കൊണ്ട് വരും. ബൃഹത്തായ വ്യവസായ സാമ്പത്തിക നിക്ഷേപങ്ങൾക്ക് ശക്തമായ ഒരു സ്ഥാപന ചട്ടക്കൂട് Institutional Framework കൊണ്ട് വരും.
വലിയ പദ്ധതികൾക്കായി ലാൻഡ് പൂളിങ് ഫ്രെയിം വർക്ക് കൊണ്ട് വരും. നിക്ഷേപകർ ഭൂമി തേടുമ്പോൾ സർക്കാർ വകുപ്പുകൾ, പൊതുമേഖലാ സ്ഥാപനങ്ങൾ എന്നിവിടങ്ങളിൽ വിശാലമായി ഭൂമി ഉപയോഗിക്കപ്പെടാതെയും ചുവപ്പു നാടയിൽ കുരുങ്ങിയും ഒഴിഞ്ഞു കിടക്കുന്ന അവസ്ഥക്ക് ലാൻഡ് മാനേജ്മെന്റ്നയത്തിൽ കൊണ്ട് വരുന്ന
മാറ്റങ്ങൾ അവസാനമുണ്ടാക്കും. വകുപ്പുകളിലെയും പൊതു മേഖല സ്ഥാപനങ്ങളിലെയും ഒഴിഞ്ഞു കിടക്കുന്ന ഭൂമി ഉപയോഗിച്ചു ലാൻഡ് ബാങ്ക് സൃഷ്ടിക്കാൻ ഒരു ലാൻഡ് മാനേജ്മെന്റ് ഫ്രെയിം വർക്ക് ഉണ്ടാക്കുകയും ഇതിനായി നിയമനിർമാണം നടത്തുകയും ചെയ്യും.
ഭൂനിയമങ്ങൾ പരിശോധിച്ച് അവക്ക് ആവശ്യമായ പരിഷ്കാരങ്ങൾ കൊണ്ട് വരും. ഭൂമി ഏറ്റെടുക്കൽ പ്രക്രിയകൾ സുതാര്യമായും കാര്യക്ഷമമായും നടപ്പാക്കാൻ ഇൻകലിനെയും കിൻഫ്രയെയും ശക്തിപ്പെടുത്തും.
Kerala Budget proposes a comprehensive Land Management Policy and Land Pooling Framework to convert unused public land into industrial land banks
