ഇന്ത്യയിലെ ഏറ്റവും പ്രായം കുറഞ്ഞ ശതകോടീശ്വരൻമാരിൽ ഒരാളും ഓയോയുടെ (OYO) മാതൃകമ്പനിയായ പ്രിസത്തിന്റെ (PRISM) സ്ഥാപകനുമായ റിതേഷ് അഗർവാൾ 6,650 കോടി രൂപയുടെ ഐപിഒയ്ക്ക് (IPO) ഒരുങ്ങുകയാണ്. ഒഡീഷയിലെ ഒരു ചെറിയ ഗ്രാമത്തിൽ ജനിച്ച്, എട്ടാം വയസ്സിൽ സ്വയം കോഡിങ് പഠിച്ചു തുടങ്ങിയ റിതേഷിന്റെ ബിസിനസ്സ് യാത്ര പ്രതിസന്ധികളും പരാജയങ്ങളും നിറഞ്ഞതായിരുന്നു. കരിയറിന്റെ തുടക്കത്തിൽ തന്റെ സ്റ്റാർട്ടപ്പിന്റെ 15 ശതമാനം ഓഹരിക്ക് വേണ്ടി വെറും 30 ലക്ഷം രൂപ നിക്ഷേപം ചോദിച്ചപ്പോൾ പല മുൻനിര നിക്ഷേപകരും അദ്ദേഹത്തെ നിരാകരിച്ചു.
എന്നാൽ പത്തൊൻപതാം വയസ്സിൽ പ്രശസ്തമായ ‘ഥീൽ ഫെലോഷിപ്പ്’ ലഭിച്ചതോടെ സിലിക്കൺ വാലിയിലെ പ്രമുഖരുടെ മാർഗ്ഗനിർദ്ദേശവും ആഗോളതലത്തിൽ വലിയ അംഗീകാരവും അദ്ദേഹത്തിന് ലഭിച്ചു. ഇന്ന് അമേരിക്കയും യൂറോപ്പും ഉൾപ്പെടെ ലോകത്തെ 35-ലധികം രാജ്യങ്ങളിലേക്ക് വരുമാന സ്രോതസ്സ് വ്യാപിപ്പിച്ചുകൊണ്ട് വമ്പൻ ആഗോള ഹോസ്പിറ്റാലിറ്റി സാമ്രാജ്യമായി ഓയോ വളർന്നു കഴിഞ്ഞു. ഒരു സാധാരണ ബഡ്ജറ്റ് ഹോട്ടൽ ശൃംഖലയിൽ നിന്നും ആഗോള ഭീമനായി വളർന്ന് ദലാൽ സ്ട്രീറ്റിലേക്ക് ചുവടുവെക്കുന്ന റിതേഷിന്റെ ഈ പ്രയാണം ഇന്ത്യൻ സ്റ്റാർട്ടപ്പ് ചരിത്രത്തിലെ തന്നെ ഏറ്റവും ശ്രദ്ധേയമായ വിജയഗാഥയാണ്.
From being rejected for a ₹30 lakh investment to launching a massive ₹6,650 crore IPO, discover the inspiring success story of OYO founder Ritesh Agarwal.
