ബെംഗളൂരുവിലെ വൈറ്റ്‌ഫീൽഡിൽ 13,000 ചതുരശ്ര അടി വിസ്തീർണ്ണത്തിൽ പുതിയ റിസർച്ച്, ഡിസൈൻ ആൻഡ് ഇന്നൊവേഷൻ (RD&I) സെന്റർ ആരംഭിച്ച് ക്വാളിറ്റി വാൾസ് (ഇന്ത്യ) ലിമിറ്റഡ്. ഐസ്ക്രീം വിപണിയിൽ ഇന്ത്യയുടെ വളർന്നുവരുന്ന സാധ്യതകൾ മുൻനിർത്തിയാണ് ദ മാഗ്നം ഐസ്ക്രീം കമ്പനി (TMICC) ഈ പുതിയ കേന്ദ്രം ആരംഭിച്ചിരിക്കുന്നത്. കോർനെറ്റോ, മാഗ്നം, കാർട്ട് ഡി ഓർ, ഫീസ്റ്റ്, ട്വിസ്റ്റർ തുടങ്ങിയ മുൻനിര ബ്രാൻഡുകൾക്കായി നൂതന ഉൽപ്പന്നങ്ങൾ വികസിപ്പിക്കുക എന്നതാണ് ഈ ആധുനിക കേന്ദ്രത്തിന്റെ പ്രധാന ലക്ഷ്യം. അത്യാധുനിക ലബോറട്ടറികൾ, പൈലറ്റ് പ്ലാന്റ്, പാക്കേജിംഗ് വികസന സംവിധാനങ്ങൾ എന്നിവയോട് കൂടിയ ഈ കേന്ദ്രം ഉൽപ്പന്ന നിർമ്മാണ പ്രക്രിയ കൂടുതൽ വേഗത്തിലാക്കാൻ സഹായിക്കും.
ഇന്ത്യൻ ഉപഭോക്താക്കളുടെ അഭിരുചിക്കനുസരിച്ചുള്ള ഉൽപ്പന്നങ്ങൾ വേഗത്തിൽ വിപണിയിലെത്തിക്കാൻ ഈ പുതിയ കേന്ദ്രം സഹായിക്കുമെന്ന് ക്വാളിറ്റി വാൾസ് (ഇന്ത്യ) ഡെപ്യൂട്ടി മാനേജിംഗ് ഡയറക്ടർ ചിത്രങ്ക് ഗോയൽ പറഞ്ഞു. പാചകക്കുറിപ്പുകൾ തയ്യാറാക്കുന്നത് മുതൽ പാക്കേജിംഗ്, കോൾഡ്-ചെയിൻ പരിശോധനകൾ വരെയുള്ള ഉൽപ്പന്ന വികസനത്തിന്റെ എല്ലാ ഘട്ടങ്ങളും ഇവിടെ പൂർത്തിയാക്കാൻ സാധിക്കും. യുകെയിലെ കോൾവർത്ത്, തുർക്കിയിലെ ഇസ്താംബുൾ എന്നിവിടങ്ങളിലുള്ള ആഗോള ആർ ആൻഡ് ഡി ഹബ്ബുകളുമായി സഹകരിച്ചാകും ബെംഗളൂരു കേന്ദ്രം പ്രവർത്തിക്കുക. ഇന്ത്യൻ വിപണിയിലെ വർദ്ധിച്ചുവരുന്ന ആവശ്യകതകൾ നിറവേറ്റുന്നതിനും നൂതനമായ ഫ്രോസൺ ഡെസേർട്ടുകൾ അവതരിപ്പിക്കുന്നതിനുമുള്ള കമ്പനിയുടെ ദീർഘകാല പദ്ധതിയുടെ ഭാഗമാണിത്.
Kwality Wall’s (India) Ltd has launched a new 13,000 sq ft Research, Design, and Innovation (RD&I) centre in Whitefield, Bengaluru to accelerate product development.
