ഇൻഫോപാർക്ക് കൊച്ചി ഫെയ്സ് 2-ൽ 150 കോടി രൂപ മുതൽമുടക്കിൽ പുതിയ ഐ.ടി. ടവറായ ‘പൊളാരിസ്’ നിർമിക്കുന്നതിനായി കാസ്പിയൻ ടെക്പാർക്സിന് ഭൂമി കൈമാറി. വ്യവസായ-ഐ.ടി. മന്ത്രി പി.കെ. കുഞ്ഞാലിക്കുട്ടിയുടെയും മറ്റ് ഉന്നത ഉദ്യോഗസ്ഥരുടെയും സാന്നിധ്യത്തിൽ നടന്ന ചടങ്ങിൽ, ഇൻഫോപാർക്ക് സി.ഇ.ഒ. സുശാന്ത് കുറുന്തിൽ കാസ്പിയൻ ടെക്പാർക്സ് എം.ഡി. തോമസ് ചാക്കോയ്ക്ക് പാട്ടക്കരാർ കൈമാറിയതോടെയാണ് പദ്ധതിക്ക് ഔദ്യോഗിക തുടക്കമായത്.
1.31 ഏക്കർ സ്ഥലത്ത് 17 നിലകളിലായി 2.19 ലക്ഷം ചതുരശ്ര അടി വിസ്തീർണത്തിൽ നിർമിക്കുന്ന ഈ ടവർ, സംസ്ഥാന സർക്കാരിന്റെ 100 ദിന കർമപദ്ധതിയുടെ ഭാഗമായാണ് യാഥാർഥ്യമാക്കുന്നത്. മൂന്ന് വർഷത്തിനുള്ളിൽ നിർമാണം പൂർത്തിയാകുന്നതോടെ ഐ.ടി. മേഖലയിൽ 1500-ലധികം നേരിട്ടുള്ള തൊഴിലവസരങ്ങൾ സൃഷ്ടിക്കാൻ ഈ പദ്ധതിയിലൂടെ സാധിക്കുമെന്ന് അധികൃതർ അറിയിച്ചു.
Infopark Kochi Phase 2 will house a new 17-storey IT tower named ‘Polaris’ by Caspian Techparks. The project is expected to create over 1,500 jobs
