സോയാബീൻ കൃഷി കൂടുതൽ മെച്ചപ്പെടുത്തുന്നതിനായി അമേരിക്കയും ഇന്ത്യയും കൈകോർക്കുന്നു. ഇതിന്റെ ഭാഗമായി യു.എസിലെ കമ്പ്യൂട്ടർ സയൻസ് പ്രൊഫസർക്ക് നാഷണൽ സയൻസ് ഫൗണ്ടേഷനിൽ നിന്ന് 5,28,137 ഡോളർ ഫണ്ടിംഗ് ലഭിച്ചു. ഇന്ത്യയുടെ ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന്റെ (MeitY) സഹകരണത്തോടെ നടപ്പിലാക്കുന്ന ഈ ഗവേഷണ പദ്ധതി 2026 ഒക്ടോബർ മുതൽ 2029 സെപ്റ്റംബർ വരെയാണ് പ്രവർത്തിക്കുന്നത്. സ്മാർട്ട് സെൻസറുകൾ, വയർലെസ് നെറ്റ്വർക്കുകൾ, ഡ്രോൺ ഡാറ്റ, ആർട്ടിഫിഷ്യൽ ഇന്റലിജൻസ് എന്നിവ ഉപയോഗിച്ച് വിളകളും മണ്ണിന്റെയും കാലാവസ്ഥയുടെയും അവസ്ഥ നിരീക്ഷിക്കുന്ന AI-അധിഷ്ഠിത സംവിധാനമാണ് ഈ പദ്ധതിയിലൂടെ വികസിപ്പിച്ചെടുക്കുന്നത്.
ഐ.ഐ.ടി ഡെൽഹി, ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ച് ഉൾപ്പെടെയുള്ള ഇരു രാജ്യങ്ങളിലെയും ഗവേഷണ സ്ഥാപനങ്ങൾ ഈ സംരംഭത്തിൽ പങ്കാളികളാകുന്നുണ്ട്. കാലാവസ്ഥാ വ്യതിയാനങ്ങളെയും കീടങ്ങളെയും പ്രതിരോധിക്കാൻ കർഷകരെ സഹായിക്കുന്നതോടൊപ്പം ഇന്ത്യ-യു.എസ് ശാസ്ത്രീയ സഹകരണം കൂടുതൽ ശക്തിപ്പെടുത്താനും ഈ പദ്ധതി വഴിയൊരുക്കും.
India and the US team up to develop an AI-powered system using sensors, drones, and data to boost soybean farming efficiency and resilience.
