ഇന്ത്യൻ നാവികസേനയുടെ അടുത്ത തലമുറയിലെ രണ്ടാമത്തെ ഓഫ്‌ഷോർ പട്രോളിങ് കപ്പലായ ‘ശ്രുതി’ ജി.ആർ.എസ്.ഇ കൊൽക്കത്തയിൽ വിജയകരമായി നീറ്റിലിറക്കി. നാവികസേനയ്ക്കായി 11 കപ്പലുകൾ ഉൾപ്പെടുന്ന പദ്ധതിയുടെ ഭാഗമായി ജി.ആർ.എസ്.ഇ നിർമ്മിക്കുന്ന നാല് കപ്പലുകളിൽ ഒന്നാണിത്.
ഏകദേശം 113 മീറ്റർ നീളവും 3,000 ടൺ ഭാരവുമുള്ള കപ്പലിന് മണിക്കൂറിൽ 23 നോട്ട്സ് വരെ വേഗത കൈവരിക്കാനാകും. സമുദ്ര നിരീക്ഷണം, തീരസംരക്ഷണം, തീവ്രവാദ വിരുദ്ധ പ്രവർത്തനങ്ങൾ, ദുരന്ത നിവാരണ ദൗത്യങ്ങൾ എന്നിവയ്ക്കായാണ് കപ്പൽ പ്രധാനമായും രൂപകൽപ്പന ചെയ്തിരിക്കുന്നത്.
14 നോട്ട്സ് ക്രൂയിസിങ് വേഗതയിൽ 8,500 നോട്ടിക്കൽ മൈൽ ദൂരം സഞ്ചരിക്കാനുള്ള ശേഷിയും കപ്പലിനുണ്ട്. ആധുനിക സാങ്കേതികവിദ്യ ഉപയോഗിച്ച് നിർമ്മിച്ച ‘ശ്രുതി’യുടെ വരവ് ഇന്ത്യൻ നാവികസേനയുടെ സമുദ്ര നിരീക്ഷണ, സുരക്ഷാ പ്രവർത്തനങ്ങൾക്ക് കൂടുതൽ കരുത്തേകും.
GRSE launches ‘Shruti’, the second next-generation offshore patrol vessel for the Indian Navy, enhancing maritime surveillance and coastal defense.
