കേന്ദ്ര ഉപരിതല ഗതാഗത, ഹൈവേ മന്ത്രി നിതിൻ ഗഡ്കരി മുൻനിര ലക്ഷ്വറി ഇലക്ട്രിക് എംപിവിയായ MG M9-ൽ യാത്ര ചെയ്യുന്നത് അടുത്തിടെ ശ്രദ്ധ നേടിയിരുന്നു. പരമ്പരാഗത ഇന്ധന വാഹനങ്ങൾക്ക് പകരമായി പരിസ്ഥിതി സൗഹൃദവും കുറഞ്ഞ കാർബൺ പുറന്തള്ളലുമുള്ള വാഹനങ്ങളെ നിരന്തരം പ്രോത്സാഹിപ്പിക്കുന്ന ആളാണ് ഗതാഗത മന്ത്രി.
മുമ്പ് ഹൈഡ്രജൻ ഫ്യുവൽ സെൽ വാഹനമായ ‘ടൊയോട്ട മിറായ്’, എഥനോൾ ഇന്ധനത്തിൽ പ്രവർത്തിക്കുന്ന ‘ഇന്നോവ ഹൈക്രോസ് ഫ്ലെക്സ് ഫ്യുവൽ’ എന്നിവയിലും അദ്ദേഹം യാത്ര ചെയ്തിരുന്നു. ഇപ്പോൾ ബാറ്ററിയിൽ പ്രവർത്തിക്കുന്ന പൂർണ ഇലക്ട്രിക് വാഹന വിഭാഗത്തിലും അദ്ദേഹം MG M9 തെരഞ്ഞെടുത്തിരിക്കുകയാണ്.
എന്താണ് MG M9 ഇലക്ട്രിക് എംപിവിയുടെ പ്രധാന സവിശേഷതകൾ?
90 kWh ശേഷിയുള്ള അഡ്വാൻസ്ഡ് NMC ബാറ്ററി പാക്കാണ് ഇതിലുള്ളത്. ഒറ്റ ചാർജിൽ 548 കിലോമീറ്റർ ദൂരം സഞ്ചരിക്കാൻ ഇതിന് സാധിക്കും.
ഡിസി ഫാസ്റ്റ് ചാർജർ ഉപയോഗിച്ച് 30 ശതമാനത്തിൽ നിന്ന് 80 ശതമാനത്തിലേക്ക് വെറും 30 മിനിറ്റിനുള്ളിൽ ചാർജ് ചെയ്യാൻ സാധിക്കും.
241.65 bhp കരുത്തും 350 Nm ടോർക്കും ഉത്പാദിപ്പിക്കുന്ന ഇലക്ട്രിക് മോട്ടോറാണ് ഇതിൽ നൽകിയിരിക്കുന്നത്.12.3 ഇഞ്ച് ഡിജിറ്റൽ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, പാനരോമിക് സൺറൂഫ്, 13-സ്പീക്കർ സൗണ്ട് സിസ്റ്റം, 64-കളർ ആംബിയന്റ് ലൈറ്റിങ്, മസാജ്-ഹീറ്റിങ് ഫീച്ചറുകളുള്ള പ്രെസിഡൻഷ്യൽ സീറ്റുകൾ എന്നിവ ഇതിലുണ്ട്. ലെവൽ-2 ADAS (Advanced Driver Assistance Systems) സാങ്കേതികവിദ്യ, 7 എയർബാഗുകൾ എന്നിവയോടൊപ്പം യൂറോ NCAP, ആസിയാൻ NCAP സുരക്ഷാ പരിശോധനകളിൽ 5 സ്റ്റാർ റേറ്റിങ് സ്വന്തമാക്കിയ വാഹനമാണിത്.
MG Select എന്ന കമ്പനിയുടെ പ്രീമിയം ഷോറൂം നെറ്റ്വർക്ക് വഴിയാണ് ഈ ലക്ഷ്വറി ഇവി വാഹനം വിപണിയിലെത്തുന്നത്. ₹75.90 ലക്ഷം രൂപയിലാണ് എംപിവിയുടെ എക്സ്-ഷോറൂം വില ആരംഭിക്കുന്നത്.
Union Minister Nitin Gadkari’s MG M9, the flagship luxury electric MPV was recently featured in the news. It is equipped with an advanced 90 kWh NMC battery pack. It can travel a distance of up to 548 kilometers on a single charge. Using a DC fast charger, it can be charged from 30 percent to 80 percent in just 30 minutes.
