സെറോദ സഹസ്ഥാപകൻ നിഖിൽ കാമത്തും സംരംഭകനായ ശ്രീറാം റെഡ്ഡി വംഗയും ചേർന്ന് മുൻനിര ഡാറ്റാ സെന്റർ കമ്പനിയായ ‘കൺട്രോൾഎസ്’ (CtrlS Datacenters) കമ്പനിയിൽ 250 കോടി രൂപയുടെ നിക്ഷേപം നടത്തി. ഇതിൽ നിഖിൽ കാമത്ത് 200 കോടി രൂപയും ശ്രീറാം റെഡ്ഡി വംഗ 50 കോടി രൂപയുമാണ് നിക്ഷേപിച്ചിരിക്കുന്നത്.
ആർട്ടിഫിഷ്യൽ ഇന്റലിജൻസ് (AI), ക്ലൗഡ് രംഗങ്ങളിലെ വളർച്ചയ്ക്ക് അനുസൃതമായി അടിസ്ഥാന സൗകര്യങ്ങൾ വിപുലീകരിക്കാനും ശേഷി വർദ്ധിപ്പിക്കാനുമാണ് ഈ ഫണ്ട് ഉപയോഗിക്കുന്നത്. ഇന്ത്യയുടെ അടുത്ത ഘട്ട ഡിജിറ്റൽ വളർച്ചയ്ക്ക് ഡാറ്റാ സെന്ററുകൾ നിർണായകമാണെന്ന് നിഖിൽ കാമത്ത് വ്യക്തമാക്കി.
കാനഡ പെൻഷൻ പ്ലാൻ ഇൻവെസ്റ്റ്മെന്റ് ബോർഡ് (CPP Investments) കമ്പനിയിൽ വലിയ തോതിൽ നിക്ഷേപം നടത്തി രണ്ട് മാസത്തിന് ശേഷമാണ് പുതിയ നിക്ഷേപമെത്തിയിരിക്കുന്നത്. നിലവിൽ ഇന്ത്യയിലുടനീളം 19 ഡാറ്റാ സെന്ററുകൾ നടത്തുന്ന കൺട്രോൾഎസ്, ഭാവിയിലെ ഉയർന്ന കമ്പ്യൂട്ടിംഗ് ആവശ്യങ്ങൾക്കായി ആർട്ടിഫിഷ്യൽ ഇന്റലിജൻസിനെ പിന്തുണയ്ക്കുന്ന ഇൻഫ്രാസ്ട്രക്ചറും ഒരുക്കുന്നുണ്ട്
Zerodha co-founder Nikhil Kamath and Sriram Reddy Vanga invest ₹250 crore in CtrlS Datacenters to expand AI and cloud infrastructure in India.
