ഇന്ത്യയിലെ ഇലക്ട്രിക് വാഹനം (EV) ഉപയോഗിക്കുന്നവർക്ക് വലിയ ആശ്വാസമായി ഒരൊറ്റ ആപ്പിൽ വിവിധ ചാർജിങ് നെറ്റ്വർക്കുകൾ ലഭ്യമാക്കുന്ന ‘ചാർജ്ഇന്ത്യാ’ (ChargeIndia) പ്ലാറ്റ്ഫോം പുറത്തിറങ്ങി. രാജ്യത്തെ 1,200-ലധികം നഗരങ്ങളിലായി 40-ലധികം ചാർജ് പോയിന്റ് ഓപ്പറേറ്റർമാരെ (CPOs) ഒരു കുടക്കീഴിൽ അണിനിരത്തുന്നതാണ് ഈ പുതിയ ഏകീകൃത പ്ലാറ്റ്ഫോം.
സ്റ്റാറ്റിക് (Statiq), ചാർജ്മോഡ് (ChargeMOD), ചാർജ്സോൺ (ChargeZone) തുടങ്ങിയ പ്രമുഖ നെറ്റ്വർക്കുകൾ ഇതിൽ ഉൾപ്പെടുന്നു. വെവ്വേറെ ആപ്പുകൾ ഉപയോഗിക്കുകയോ വിവിധ വാലറ്റുകളിൽ മുൻകൂറായി പണം നിക്ഷേപിക്കുകയോ ചെയ്യാതെ, യു.പി.ഐ (UPI) വഴി നേരിട്ട് പേയ്മെന്റ് നടത്തി എവിടെനിന്നും ചാർജിങ് സൗകര്യങ്ങൾ ഉപയോഗിക്കാൻ ഈ ആപ്പിലൂടെ സാധിക്കും.
രാജ്യത്ത് ഇലക്ട്രിക് വാഹനങ്ങളുടെ എണ്ണം വർദ്ധിച്ചുവരുന്ന സാഹചര്യത്തിൽ, പബ്ലിക് ചാർജിങ് സ്റ്റേഷനുകൾ ഉപയോഗിക്കുന്നത് കൂടുതൽ സുഗമമാക്കാനാണ് ഈ സംരംഭം ആരംഭിച്ചിരിക്കുന്നത്. ഔദ്യോഗിക കണക്കുകൾ പ്രകാരം രാജ്യത്ത് ആയിരക്കണക്കിന് പബ്ലിക് ചാർജിങ് സ്റ്റേഷനുകൾ ഉണ്ടെങ്കിലും അവയെല്ലാം വ്യത്യസ്ത ഓപ്പറേറ്റർമാരുടെ കീഴിലാണ് പ്രവർത്തിക്കുന്നത്. ഈ തടസ്സങ്ങൾ ഒഴിവാക്കി ഉപയോക്താക്കൾക്ക് ലളിതമായ സേവനം ഉറപ്പാക്കുകയാണ് ചാർജ്ഇന്ത്യാ ലക്ഷ്യമിടുന്നത്.
ഉപഭോക്താക്കൾക്കായുള്ള ആപ്പിന് പുറമെ, പ്രമുഖ വാഹന നിർമ്മാതാക്കൾക്കും (OEMs) മറ്റ് മൊബിലിറ്റി പ്ലാറ്റ്ഫോമുകൾക്കും ഈ ചാർജിങ് അഗ്രഗേഷൻ സംവിധാനം ലഭ്യമാക്കാനും കമ്പനി പദ്ധതിയിടുന്നുണ്ട്.
ChargeIndia launches a unified platform connecting over 40 CPOs across 1,200 Indian cities, enabling EV drivers to charge using a single app with UPI payments
