ഭാവിയിൽ അമേരിക്കയിൽ തങ്ങൾക്കെതിരെ ശത്രുതാപരമായ നിലപാടുള്ള ഭരണകൂടം അധികാരത്തിൽ വന്നേക്കാമെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു മുന്നറിയിപ്പ് നൽകി. ഇസ്രയേലിൽ ഒക്ടോബർ 27-ന് നടക്കുന്ന തിരഞ്ഞെടുപ്പിന് മുന്നോടിയായി തന്റെ സുരക്ഷാ നയം വ്യക്തമാക്കവേയാണ് നെതന്യാഹു ഇത്തരമൊരു പരാമർശം നടത്തിയത്.
അമേരിക്കയിലെ രാഷ്ട്രീയ മാറ്റങ്ങൾ നേരിടാൻ ഇന്ത്യ, ലാറ്റിൻ അമേരിക്കൻ രാജ്യങ്ങൾ എന്നിവയുമായി പുതിയ നയതന്ത്ര സഖ്യങ്ങൾ രൂപീകരിക്കാൻ ഇസ്രായേൽ ശ്രമിക്കുകയാണെന്നും അദ്ദേഹം പറഞ്ഞു. ഇന്ത്യയെന്ന വൻശക്തിയുമായും പ്രധാനമന്ത്രി നരേന്ദ്ര മോദിയുമായും ഇസ്രായേലിന് നിലവിലുള്ള മികച്ച ബന്ധവും നയതന്ത്ര വിജയങ്ങളും അദ്ദേഹം ചൂണ്ടിക്കാട്ടി.
അതേസമയം, ട്രംപിന്റെ ബാക്കി ഭരണകാലയളവിൽ അമേരിക്കയുമായുള്ള ബന്ധം പരമാവധി ശക്തമാക്കാനും ഇസ്രായേൽ ലക്ഷ്യമിടുന്നുണ്ട്. എന്നാൽ തിരഞ്ഞെടുപ്പിന് തൊട്ടുമുമ്പ് നെതന്യാഹു അവതരിപ്പിച്ച ഈ സുരക്ഷാ നയം വെറുമൊരു രാഷ്ട്രീയ നാടകമാണെന്ന് പ്രധാന പ്രതിപക്ഷ സ്ഥാനാർത്ഥി ഗാഡി ഐസൻകോട്ട് വിമർശിച്ചു.
Israeli PM Benjamin Netanyahu calls to strengthen diplomatic ties with India and Latin America to hedge against potential hostile shifts in future US leadership
