യാത്രക്കാരുടെ സൗകര്യവും ട്രെയിനുകളിലെ ശുചിത്വവും മെച്ചപ്പെടുത്തുന്നതിനായി Northeast Frontier Railway അഞ്ച് സൂപ്പർഫാസ്റ്റ് ട്രെയിനുകളിൽ ആധുനിക സാങ്കേതികവിദ്യയോടെയുള്ള പുതിയ സേവനങ്ങൾ നടപ്പിലാക്കി. കാമാഖ്യ – എസ്.എം.വി.ടി ബെംഗളൂരു എക്സ്പ്രസ്, ഗുവാഹത്തി – കൊൽക്കത്ത ഗരീബ് രഥ് എക്സ്പ്രസ്, ദിബ്രുഗഡ് – മുംബൈ എൽ.ടി.ടി എക്സ്പ്രസ്, ന്യൂ ജൽപായ്ഗുരി – പട്ന വന്ദേ ഭാരത് എക്സ്പ്രസ്, ന്യൂ ജൽപായ്ഗുരി – ഗുവാഹത്തി വന്ദേ ഭാരത് എക്സ്പ്രസ് എന്നീ സർവീസുകളിലാണ് ഈ പദ്ധതി ആരംഭിച്ചിരിക്കുന്നത്.
ട്രെയിൻ കോച്ചുകൾ, എ.സി വിൻഡോകൾ, വാഷ്റൂമുകൾ എന്നിവയുടെ ശുചിത്വം ഉറപ്പാക്കുന്നതിനൊപ്പം മാലിന്യ നിർമാർജ്ജനം, കിടക്കവിരികളുടെ വിതരണം, കുടിവെള്ള ലഭ്യത എന്നിവ പ്രത്യേക സംഘം വഴി നിരീക്ഷിക്കും. ശുചീകരണ പ്രവർത്തനങ്ങളുടെ നിലവാരം തത്സമയം വിലയിരുത്താൻ ആർട്ടിഫിഷ്യൽ ഇന്റലിജൻസും (AI) ജിയോ ടാഗിംഗ് സാങ്കേതികവിദ്യയും യാത്രക്കാരുടെ സ്റ്റാർ റേറ്റിംഗുകളും റെയിൽവേ പ്രയോജനപ്പെടുത്തുന്നുണ്ട്. കൂടാതെ, യാത്രക്കാർ ഉന്നയിക്കുന്ന പരാതികൾ പരമാവധി രണ്ട് മണിക്കൂറിനുള്ളിൽ പരിഹരിക്കാനുള്ള പ്രത്യേക ക്രമീകരണവും പുതിയ സംവിധാനത്തിന്റെ ഭാഗമായി ഏർപ്പെടുത്തിയിട്ടുണ്ട്.
Northeast Frontier Railway introduces AI and geotagging technology across 5 superfast trains to monitor cleanliness, hygiene, and resolve passenger issues within two hours.
