ഇന്ത്യൻ നാവികസേനയുടെ അടിത്തറ ശക്തമാക്കുന്നതിൽ നിർണ്ണായക പങ്കുവഹിച്ച ഇന്ത്യ-ഫ്രാൻസ് ‘സ്കോർപീൻ’ (Project 75) മുങ്ങിക്കപ്പൽ പദ്ധതി വിജയകരമായി പൂർത്തിയാക്കി രാജ്യം അടുത്ത ഘട്ടത്തിലേക്ക് കടക്കുന്നു. ഫ്രഞ്ച് കമ്പനിയായ നേവൽ ഗ്രൂപ്പിന്റെ സാങ്കേതിക പങ്കാളിത്തത്തോടെ മുംബൈയിലെ മസഗോൺ ഡോക്ക് ഷിപ്പ് ബിൽഡേഴ്‌സ് ലിമിറ്റഡ് (MDL) നിർമ്മിച്ച ആറ് ‘കാൽവരി’ ക്ലാസ് ആക്രമണ മുങ്ങിക്കപ്പലുകളും (INS Kalvari, Khanderi, Karanj, Vela, Vagir, Vagsheer) നിലവിൽ നാവികസേനയുടെ ഭാഗമായി സർവീസ് നടത്തുന്നുണ്ട്.
കേവലം വിദേശ സാങ്കേതികവിദ്യ ഇറക്കുമതി ചെയ്യുന്നതിന് പകരം, സബ്മറൈൻ നിർമ്മാണത്തിലും പരിചരണത്തിലും തദ്ദേശീയമായ എഞ്ചിനീയറിംഗ് അടിത്തറ കെട്ടിപ്പടുക്കാൻ ഇന്ത്യക്ക് ഈ പദ്ധതിയിലൂടെ സാധിച്ചു. ഇതിന്റെ തുടർച്ചയായി, DRDO സ്വന്തമായി വികസിപ്പിച്ച എയർ ഇൻഡിപെൻഡന്റ് പ്രൊപ്പൽഷൻ (AIP) സാങ്കേതികവിദ്യയും തദ്ദേശീയ ടോർപ്പിഡോകളും വരും വർഷങ്ങളിൽ ഈ സബ്മറൈനുകളിൽ ഘടിപ്പിക്കും. 2027-ഓടെ തദ്ദേശീയ AIP സിസ്റ്റം സബ്മറൈനിൽ ഘടിപ്പിച്ചു തുടങ്ങുന്നതോടെ, ഇടയ്ക്കിടെ ജലോപരിതലത്തിൽ വരാതെ ആഴ്ചകളോളം കടലിനടിയിൽ തുടരാൻ ഇവയ്ക്ക് കഴിയും. കൂടുതൽ സബ്മറൈനുകൾ ഇന്ത്യയിൽ തന്നെ തദ്ദേശീയമായി നിർമ്മിക്കാനും ആധുനികീകരിക്കാനുമുള്ള അടിത്തറയാണ് ഇതിലൂടെ പാകിയിരിക്കുന്നത്.
With INS Vagsheer operational, India advances Project 75 by equipping Mazagon Dock-built Scorpene submarines with DRDO’s indigenous AIP technology by 2027.
