ബംഗളൂരു വിമാനത്താവള വികസനത്തിന് ടാറ്റ ഗ്രൂപ്പ്

ദക്ഷിണേന്ത്യയുടെ ഹബ്ബായി ബംഗളൂരു കെംപെഗൗഡ വിമാനത്താവളം വികസിപ്പിക്കാൻ ടാറ്റ ഗ്രൂപ്പ് തയാറെടുക്കുന്നു. എയർ ഇന്ത്യ ബംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തെ രാജ്യത്തെ രണ്ടാമത്തെ വ്യോമയാന കേന്ദ്രമായി തെരഞ്ഞെടുത്തു കഴിഞ്ഞു . ടാറ്റ ഗ്രൂപ്പിൻ്റെ  എയർ ഇന്ത്യ, എയർ ഇന്ത്യ എക്സ്പ്രസ്, വിസ്താര എന്നിവ  അടുത്ത അഞ്ച് വർഷത്തിനുള്ളിൽ അന്താരാഷ്ട്ര കണക്റ്റിവിറ്റി വർദ്ധിപ്പിക്കുന്നതിന് രാജ്യത്തെ തിരക്കേറിയ മൂന്നാമത്തെ വിമാനത്താവളമായ കെംപെഗൗഡയുമായി സഹകരിക്കും.

ബെംഗളൂരു വിമാനത്താവളത്തിൻ്റെ ടെർമിനൽ ഒന്നിന് യാത്രക്കാരെ കൈകാര്യം ചെയ്യാനുള്ള വാർഷിക ശേഷി 35-36 ദശലക്ഷം ആണ്. ടെർമിനൽ 2 ന് ഒരു വർഷം 25 ദശലക്ഷം യാത്രക്കാരെ കൈകാര്യം ചെയ്യാനുള്ള ശേഷിയുണ്ട്.  കൂടാതെ മൂന്നാമത്തെ ടെർമിനലിനും പദ്ധതികൾ ആവിഷ്കരിച്ചു കഴിഞ്ഞു.

ദക്ഷിണേന്ത്യയിലെ ഏറ്റവും തിരക്കേറിയതും രാജ്യത്തെ മൂന്നാമത്തെ വലിയ വിമാനത്താവളവുമാണ് കെംപഗൗഡ അന്താരാഷ്ട്ര വിമാനത്താവളം. എയർപോർട്ട് അതോറിറ്റി ഓഫ് ഇന്ത്യയുടെ കണക്കുകൾ പ്രകാരം കഴിഞ്ഞ സാമ്പത്തിക വർഷത്തിൽ മുംബൈ വിമാനത്താവളം   44 ദശലക്ഷം യാത്രക്കാരും, ഡൽഹി വിമാനത്താവളം 65.3 ദശലക്ഷം യാത്രക്കാരും ഉപയോഗിച്ചപ്പോൾ കെംപഗൗഡ അന്താരാഷ്ട്ര വിമാനത്താവളം 31.9 ദശലക്ഷം യാത്രക്കാരെ കൈകാര്യം ചെയ്തു.

എല്ലാ ടാറ്റ ഗ്രൂപ്പ് എയർലൈനുകളുടെയും പ്രീമിയം യാത്രക്കാർക്കായി ബംഗളൂരു വിമാനത്താവളത്തിൽ ഒരു പ്രത്യേക ആഭ്യന്തര ലോഞ്ച് സ്ഥാപിക്കാനും എയർ ഇന്ത്യ പദ്ധതിയിടുന്നു.

നിലവിൽ, ഇൻഡിഗോ, എയർ ഇന്ത്യ തുടങ്ങിയ പ്രധാന ഇന്ത്യൻ എയർലൈനുകളുടെ രാജ്യത്തെ ഏറ്റവും വലിയ അന്താരാഷ്ട്ര കേന്ദ്രമാണ് ന്യൂഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളം.

വിദേശ ലക്ഷ്യസ്ഥാനങ്ങളിലേക്ക് ഇന്ത്യ വഴി ഒറ്റത്തവണ അന്താരാഷ്ട്ര കണക്റ്റിവിറ്റി പ്രാപ്തമാക്കുന്നതിന് രാജ്യത്തുടനീളം വ്യോമയാന കേന്ദ്രങ്ങൾ വികസിപ്പിക്കുന്നതിന് കേന്ദ്ര സർക്കാർ ശ്രമിക്കുന്നു, ഇത് കൂടുതൽ നിക്ഷേപങ്ങളും വാണിജ്യവും കൊണ്ടുവരാൻ സഹായിക്കും.

എയർ ഇന്ത്യയും എയർ ഇന്ത്യ എക്‌സ്പ്രസും ഇന്ത്യയിലേക്കും തിരിച്ചുമുള്ള അന്താരാഷ്ട്ര വിമാന ഗതാഗതത്തിൻ്റെ 19.9% വിഹിതം കൈവശം വച്ചിട്ടുണ്ട് . ഡയറക്ടറേറ്റ് ജനറൽ ഓഫ് സിവിൽ ഏവിയേഷനിൽ നിന്നുള്ള ഒക്‌ടോബർ-ഡിസംബർ മാസങ്ങളിലെ ഏറ്റവും പുതിയ കണക്കുകൾ പ്രകാരം ഇൻഡിഗോയുടെ 18.2% വിഹിതവും വിസ്താരയുടെ 3.6% വിഹിതവുമുണ്ട്.

ബംഗളൂരു വിമാനത്താവളത്തിൽ ഒരു ഹബ്ബ് സ്ഥാപിക്കുന്നതും ദക്ഷിണേന്ത്യയിലേക്ക് അന്താരാഷ്ട്ര കണക്റ്റിവിറ്റി വർദ്ധിപ്പിച്ചതും ഹബ് ആൻഡ് സ്‌പോക്ക് സംവിധാനത്തിന് കീഴിൽ പ്രവർത്തിക്കും. സെൻട്രൽ എയർപോർട്ടിന് ചുറ്റുമാണ് ഈ സംവിധാനം  നിർമ്മിച്ചിരിക്കുന്നത്. യാത്രക്കാർക്ക് അവരുടെ അന്തിമ ലക്ഷ്യസ്ഥാനത്തേക്ക് പറക്കുന്നതിനുള്ള ഒരു ട്രാൻസ്ഫർ പോയിൻ്റായി ഈ ഹബ് പ്രവർത്തിക്കുന്നു.

എമിറേറ്റ്‌സിന് വേണ്ടിയുള്ള ദുബായ്, കാഥേ പസഫിക്കിനുള്ള ഹോങ്കോംഗ്, ബ്രിട്ടീഷ് എയർവേയ്‌സിന് ലണ്ടൻ ഹീത്രൂ എന്നിവയാണ് ലോകത്തെ ചില പ്രമുഖ അന്താരാഷ്ട്ര ഹബ്ബ് എയർപോർട്ടുകൾ.

ദക്ഷിണേന്ത്യയിൽ നിന്ന് കൂടുതൽ നേരിട്ടുള്ള ദീർഘദൂര റൂട്ടുകൾ ആസൂത്രണം ചെയ്യുന്നതിനാൽ ബെംഗളൂരു വിമാനത്താവത്തിൽ മികച്ച സൗകര്യമൊരുക്കാൻ കർണാടക സർക്കാരുമായി എയർ ഇന്ത്യ ധാരണാപത്രം ഒപ്പുവച്ചു.

എയർലൈനും എയർപോർട്ടും ഒരുമിച്ച് പ്രവർത്തിക്കുകയാണ് ലക്ഷ്യം. എയർ ഇന്ത്യയുടെയും ബംഗളൂരു വിമാനത്താവളത്തിന്റെയും സഹകരണം ഇന്ത്യൻ വിമാനത്താവളങ്ങളെ  മികച്ച ഹബ്ബാക്കി വികസിപ്പിക്കാനുള്ള സിവിൽ ഏവിയേഷൻ മന്ത്രാലയത്തിൻ്റെ കാഴ്ചപ്പാടുമായി ഒത്തുപോകുന്നതാണെന്ന് എയർപോർട്ട് ലിമിറ്റഡിൻ്റെ എംഡിയും സിഇഒയുമായ ഹരി മാരാർ പറഞ്ഞു. ബെംഗളൂരുവിൽ നിന്നുള്ള അന്തർദേശീയ യാത്രികരും യൂറോപ്പ്, വടക്കേ അമേരിക്ക, ഓസ്‌ട്രേലിയ, ഫാർ ഈസ്റ്റ് എന്നിവിടങ്ങളിലേക്കുള്ള കെമ്പഗൗഡ വിമാനത്താവളത്തിന്റെ  ക്യാച്ച്‌മെൻ്റും, എയർ ഇന്ത്യയുമായുള്ള സഖ്യവും യോജിച്ചാകും ലക്ഷ്യത്തിലേക്കു നീങ്ങുക എന്നും ഹരി മാരാർ ചൂണ്ടിക്കാട്ടി.

^{Tata Group is partnering with Air India to develop Bangalore’s Kempegowda International Airport as a major aviation hub for South India. Learn about the plans to increase international connectivity and passenger capacity at the airport.}