അബുദാബി ബിഗ് ടിക്കറ്റ് നറുക്കെടുപ്പിൽ വീണ്ടും കോടികൾ ‘തൂക്കി’ പ്രവാസി മലയാളി. ഒമാനിൽ ജോലി ചെയ്യുന്ന രാജേഷ് മുല്ലങ്കി വെള്ളിലപ്പുള്ളിത്തൊടിയെ തേടിയാണ് ബിഗ് ടിക്കറ്റിലെ 15 മില്യൺ ദിർഹത്തിന്റെ (34 കോടിയിലേറെ രൂപ) ഭാഗ്യസമ്മാനം എത്തിയത്. ബിഗ് ടിക്കറ്റ് 273ആമത് സീരീസ് നറുക്കെടുപ്പിലാണ് 375678 എന്ന നമ്പറുള്ള ടിക്കറ്റിന് സമ്മാനം ലഭിച്ചത്. മാർച്ച് 30നാണ് രാജേഷ് ടിക്കറ്റ് വാങ്ങിയത്.
വർഷങ്ങളായി ഒമാനിൽ ടെക്നീഷ്യനായി ജോലി ചെയ്യുന്ന രാജേഷ് സുഹൃത്തുക്കളുമായി ചേർന്നാണ് ടിക്കറ്റ് എടുത്തത്. ഗ്രാൻഡ് പ്രൈസ് ലഭിച്ചത് അപ്രതീക്ഷിതമായാണെന്നും സന്തോഷം പ്രകടിപ്പിക്കാൻ വാക്കുകളില്ലെന്നും അദ്ദേഹം പ്രതികരിച്ചു. സമ്മാനത്തുക സുഹൃത്തുക്കളുമായി പങ്കിടുമെന്നും തനിക്ക് ലഭിക്കുന്ന തുക കൊണ്ട് എന്തു ചെയ്യണമെന്ന് തീരുമാനിച്ചിട്ടില്ലെന്നും അദ്ദേഹം പറഞ്ഞു. ഭാവിയിലും ബിഗ് ടിക്കറ്റ് വാങ്ങുമെന്നും രാജേഷ് കൂട്ടിച്ചേർത്തു.
ബിഗ് ടിക്കറ്റിന്റെ 273ആമത് സീരീസിലെ ഡ്രീം കാർ പ്രൊമോഷൻ നറുക്കെടുപ്പിൽ യുഎഇ ഷാർജ സ്വദേശിയായ അലി മുഷർബാക് മസെരാറ്റി ഗ്രെകാലെ ആഢംബര കാർ സ്വന്തമാക്കി. ഓൺലൈൻ വഴിയെടുത്ത 018083 എന്ന നമ്പറിലുള്ള ടിക്കറ്റാണ് അദ്ദേഹത്തെ സമ്മാനർഹനാക്കിയത്.
Rajesh Mullanki, a Malayali technician working in Oman, won over ₹34 crore in the Abu Dhabi Big Ticket lucky draw. He bought ticket number 375678 on March 30 along with friends. Rajesh said the win was a big surprise and he hasn’t decided what to do with his share yet, but will split the prize with his friends. He also said he’ll keep trying his luck with Big Ticket in the future. In the same draw, Ali Musharbak from Sharjah won a luxury Maserati car with an online ticket.
