രാജ്യത്ത് ആദ്യമായി കേരളത്തിലെ എല്ലാ ജനകീയ ആരോഗ്യ കേന്ദ്രങ്ങളിലും സ്ത്രീ – പ്രത്യേക വെൽനെസ്സ് ക്ലിനിക്കുകള്വരുന്നു . 5415 ജനകീയ ആരോഗ്യ കേന്ദ്രങ്ങളിലും ഇത്തരം സ്ത്രീ – STHREE – Strengthening Her to Empower Everyone- വെൽനെസ്സ് ക്ലിനിക്കുകൾ ആരംഭിക്കും.
ജനകീയ ആരോഗ്യ കേന്ദ്രങ്ങള് കേന്ദ്രീകരിച്ച് സ്ത്രീകള്ക്കും കുട്ടികള്ക്കുമായി ക്ലിനിക്കുകള്, അയല്ക്കൂട്ട സ്ക്രീനിംഗ് ക്യാമ്പുകള്, വിദഗ്ധ സ്പെഷ്യലിസ്റ്റ് സേവനങ്ങള് എന്നിവ ഒരുക്കുന്നതിനായാണ് സ്ത്രീ ക്ലിനിക്കുകള് ആരംഭിക്കുന്നത്.
പരമാവധി സ്ത്രീകള് ഈ വെല്നസ് ക്ലിനിക്കുകളില് വന്ന് ആരോഗ്യ പരിശോധന നടത്തണമെന്ന് ആരോഗ്യ മന്ത്രി വീണാ ജോര്ജ് അഭ്യര്ത്ഥിച്ചു.
എല്ലാ ചൊവ്വാഴ്ചകളിലും സ്ത്രീകളുടെ ക്ലിനിക്ക് പ്രവര്ത്തിക്കും. വിളര്ച്ച, പ്രമേഹം, രക്താതിമര്ദം, കാന്സര് സ്ക്രീനിംഗ് തുടങ്ങിയവയും മറ്റ് ആരോഗ്യ പ്രശ്നങ്ങള് കണ്ടെത്താനും ഈ ക്ലിനിക്കുകളിലൂടെ സാധിക്കുന്നു. അയല്ക്കൂട്ടങ്ങള് കേന്ദ്രീകരിച്ച് സ്ത്രീകള്ക്കായി പ്രത്യേക പരിശോധനകളും കുടുംബാരോഗ്യ കേന്ദ്രങ്ങളില് വിദഗ്ധ പരിശോധനകളും ബോധവത്കരണവും ഈ ക്യാമ്പയിന്റെ ഭാഗമായി നടക്കും.
ഈ സര്ക്കാരിന്റെ കാലത്താണ് വീട്ടിന് തൊട്ടടുത്ത ആശുപത്രികളെന്നു അറിയപ്പെടുന്ന 5415 ജനകീയ ആരോഗ്യ കേന്ദ്രങ്ങള് യാഥാര്ത്ഥ്യമാക്കിയത്. സമൂഹത്തില് രോഗാതുരത കുറയ്ക്കുന്നതിനും എല്ലാവര്ക്കും ആരോഗ്യം ഉറപ്പുവരുത്തുന്നതിനുമുള്ള അതിശക്തമായ ഇടപെടലുകളാണ് ജനകീയ ആരോഗ്യ കേന്ദ്രങ്ങളിലൂടെ നടത്തുന്നത്. ഓരോ 5000 ജനസംഖ്യയേയും കേന്ദ്രീകരിച്ചാണ് ഗ്രാമ-നഗര തലങ്ങളില് ജനകീയ അരോഗ്യകേന്ദ്രങ്ങള് പ്രവര്ത്തിക്കുന്നത്.
Kerala pioneers ‘STHREE’ wellness clinics in 5415 health centers. The initiative offers comprehensive screenings and expert services for women.
