യുഎയിൽ വമ്പൻ നിക്ഷേപത്തിന് ഏഷ്യൻ പെയിന്റസ്. ഏഷ്യൻ പെയിൻ്റ്സ് ഇന്റർനാഷണൽ പ്രൈവറ്റ് ലിമിറ്റഡിന്റെ (Asian Paints International Private Limited) പൂർണ ഉടമസ്ഥതയിലുള്ള സബ്സിഡിയറിയായ ബെർജർ പെയിൻ്റ്സ് എമിറേറ്റ്സാണ് (Berger Paints Emirates) കമ്പനിയുടെ എമിറേറ്റ്സിലെ രണ്ടാമത്തെ പെയിന്റ് ഉത്പാദന കേന്ദ്രം സ്ഥാപിക്കാനൊരുങ്ങുന്നത്. ഫാക്ടറിക്കായി 340 കോടി രൂപയുടെ നിക്ഷേപം നടത്തുമെന്ന് കമ്പനി അധികൃതർ അറിയിച്ചു.
അബുദാബി ഖലീഫ ഇക്കണോമിക് സോൺസിൽ ഏകദേശം ഒരു ലക്ഷം ചതുരശ്ര മീറ്റർ വിസ്തീർണത്തിലാണ് ഫാക്ടറി സ്ഥാപിക്കുക. നിർദിഷ് ഫാക്ടറിക്ക് പ്രാരംഭഘട്ടത്തിൽ 55,800 കിലോലിറ്റർ ശേഷിയുണ്ടാകും. ഈ നിക്ഷേപം ബെർജർ പെയിൻ്റ്സ് യുഎഇയുടെ ഉത്പാദന ശേഷിയും വിപണിയിലെ സാന്നിധ്യവും കൂടുതൽ ശക്തിപ്പെടുത്തുമെന്നാണ് വിലയിരുത്തപ്പെടുന്നത്.
ഇന്ത്യൻ പെയിന്റ് വ്യവസായത്തിലെ മുടി ചൂടാമന്നനായ ഏഷ്യൻ പെയിന്റ്സ് 1942ലാണ് ആരംഭിക്കുന്നത്. ദീർഘകാലം ഈ മേഖലയിലുള്ള കമ്പനി ഇന്ത്യയിലെ പെയിന്റ് സൊല്യൂഷൻസ് കമ്പനികളിൽ മുൻപന്തിയിലാണ്. പതിനഞ്ചിലധികം രാജ്യങ്ങളിലായി മുപ്പതോളം പെയിന്റ് ഉത്പാദന കേന്ദ്രങ്ങളാണ് കമ്പനിക്കുള്ളത്. കളർ ഐഡിയകൾ, ഹോം സൊല്യൂഷനുകൾ, നെക്സ്റ്റ്, കിഡ്സ് വേൾഡ് പോലെ പെയിന്റിങ്ങ് രംഗത്തെ നിരവധി പുതിയ ആശയങ്ങളും ഏഷ്യൻ പെയിന്റ്സ് അവതരിപ്പിച്ചു.
Asian Paints’ subsidiary, Berger Paints Emirates, is setting up its second paint manufacturing facility in the UAE with a ₹340 crore investment in Abu Dhabi KIZAD.
