അത്യാധുനിക ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യയുള്ള UAV ഡ്രോണുകൾ ഇന്ത്യയിൽ നിർമിക്കാൻ ഇസ്രായേൽ കമ്പനിയായ എക്സ്റ്റൻഡും (XTEND) ഇന്ത്യൻ പ്രതിരോധ സാങ്കേതിക കമ്പനിയായ റയോണിക്സ് ടെക്കും (Rayonix Tech) തമ്മിൽ കരാറായി. 11 മില്യൺ ഡോളറിന്റെ (ഏകദേശം 91 കോടി രൂപ) നിർമ്മാണ-വിതരണ കരാറിലാണ് ഇരു കമ്പനികളും ഒപ്പുവെച്ചത്. എക്സ്റ്റൻഡിന്റെ ഉടമസ്ഥതയിലുള്ള ‘XOS’ എന്ന ഓപ്പറേറ്റിംഗ് സിസ്റ്റം ഉപയോഗിച്ച് പ്രവർത്തിക്കുന്ന ഡ്രോണുകളാണ് റയോണിക്സ് ഇന്ത്യയിൽ തന്നെ നിർമ്മിക്കുകയും വിതരണം ചെയ്യുകയും ചെയ്യുക.
സാങ്കേതികവിദ്യാ കൈമാറ്റത്തിലൂടെ ഇന്ത്യയിൽ തന്നെ ഡ്രോണുകളുടെ നിർമ്മാണവും പരിശോധനയും ഉറപ്പാക്കാൻ ഈ കരാർ സഹായിക്കും. ഇസ്രായേൽ സൈന്യത്തിന് 5,000 അസോൾട്ട് ഡ്രോണുകൾ നൽകാൻ കഴിഞ്ഞ വർഷം കരാർ ലഭിച്ച അതേ കമ്പനിയാണ് എക്സ്റ്റൻഡ് എന്നത് ഈ നീക്കത്തിന്റെ പ്രാധാന്യം വർദ്ധിപ്പിക്കുന്നു. അതിർത്തിയിലെ നിരീക്ഷണത്തിനും സുരക്ഷാ ദൗത്യങ്ങൾക്കും എഐ അധിഷ്ഠിത ഡ്രോണുകൾ എത്തുന്നതോടെ ഇന്ത്യൻ പ്രതിരോധ മേഖലയ്ക്ക് വലിയ കരുത്താകും.
Israel’s XTEND and India’s Rayonix Tech sign a $11 million deal to manufacture advanced AI-powered UAVs in India. Discover how the XOS operating system will boost Indian defense
