ദക്ഷിണേന്ത്യയിലെ ആദ്യത്തെ ബുള്ളറ്റ് ട്രെയിൻ ശൃംഖലയ്ക്ക് വഴിതുറന്നുകൊണ്ട് ബംഗളൂരു-ഹൈദരാബാദ്, ബംഗളൂരു-ചെന്നൈ അതിവേഗ റെയിൽ ഇടനാഴികൾക്ക് കർണാടക സർക്കാർ ഭരണാനുമതി നൽകി. മണിക്കൂറിൽ 320 മുതൽ 350 കിലോമീറ്റർ വരെ വേഗതയിൽ സഞ്ചരിക്കുന്ന ഈ ബുള്ളറ്റ് ട്രെയിനുകൾ യാഥാർത്ഥ്യമാകുന്നതോടെ നഗരങ്ങൾ തമ്മിലുള്ള യാത്രാസമയം പകുതിയിലധികമായി കുറയും.
പദ്ധതി പൂർത്തിയാകുമ്പോൾ ബംഗളൂരുവിൽ നിന്ന് ഹൈദരാബാദിലേക്ക് വെറും രണ്ട് മണിക്കൂർ കൊണ്ടും, ചെന്നൈയിലേക്ക് 75 മിനിറ്റ് കൊണ്ടും എത്തിച്ചേരാനാകുമെന്നാണ് പ്രതീക്ഷിക്കുന്നത്. കർണാടക, തെലങ്കാന, ആന്ധ്രാപ്രദേശ്, തമിഴ്നാട് എന്നീ സംസ്ഥാനങ്ങളെ ബന്ധിപ്പിക്കുന്ന ഈ വികസനം തെക്കേ ഇന്ത്യയിലെ വ്യാവസായിക, റിയൽ എസ്റ്റേറ്റ് മേഖലകൾക്ക് വലിയ കുതിച്ചുചാട്ടമേകും. 607 കിലോമീറ്റർ ദൈർഘ്യമുള്ള ഹൈദരാബാദ്-ബംഗളൂരു പാതയിൽ ഏകദേശം 101 കിലോമീറ്ററോളം പാത കടന്നുപോകുന്നത് കർണാടകയിലൂടെയാണ്.
South India’s first bullet train gets closer to reality! Karnataka approves Bengaluru-Hyderabad & Bengaluru-Chennai high-speed rail corridors. Travel time to cut down to 2 hours
