ഹരിയാനയിലെ ജിന്ദ്-സോണിപത് റൂട്ടിൽ പരമാവധി 75 കിലോമീറ്റർ വേഗതയിൽ ഓടിക്കാൻ അനുമതിയുള്ള ഇന്ത്യയിലെ ആദ്യത്തെ ഹൈഡ്രജൻ ട്രെയിൻ സർവീസിന് റെയിൽവേ മന്ത്രാലയം അംഗീകാരം നൽകി. ഡീസലിനും വൈദ്യുതിക്കും പകരം ഹൈഡ്രജൻ ഫ്യുവൽ സെല്ലുകൾ ഉപയോഗിച്ച് പ്രവർത്തിക്കുന്ന 10 കോച്ചുകളുള്ള ഈ ഡെമു (DEMU) ട്രെയിനിന് ആവശ്യമായ സുരക്ഷാ-സാങ്കേതിക പരിശോധനകൾ പൂർത്തിയായിട്ടുണ്ട്.
മന്ത്രാലയത്തിന്റെ അനുമതി ലഭിച്ചെങ്കിലും, വിവിധ അന്താരാഷ്ട്ര സുരക്ഷാ ഏജൻസികളുടെയും പെട്രോളിയം ആൻഡ് എക്സ്പ്ലോസീവ്സ് സേഫ്റ്റി ഓർഗനൈസേഷന്റെയും (PESO) കൂടുതൽ അനുമതികൾ കൂടി പൂർത്തിയാക്കിയ ശേഷമേ സർവീസ് ഔദ്യോഗികമായി ആരംഭിക്കുകയുള്ളൂ. സുരക്ഷ മുൻനിർത്തി സർവീസ് തുടങ്ങി ആദ്യത്തെ മൂന്ന് മാസത്തേക്ക് സാങ്കേതിക വിദഗ്ദ്ധരുടെ സംഘം ട്രെയിനിലിരുന്ന് ഇതിന്റെ പ്രവർത്തനം നിരീക്ഷിക്കുമെന്നും ഇതിന്റെ പ്രധാന അറ്റകുറ്റപ്പണികൾ ഡൽഹിയിലെ ശകൂർബസ്തിയിലായിരിക്കുമെന്നും അധികൃതർ വ്യക്തമാക്കി.
“Indian Railways has approved the country’s first 10-coach hydrogen fuel cell-powered DEMU train to run on the Jind-Sonipat route in Haryana at a speed of 75 km/h.”
